СДСМ: УМС фатени во лага за прекршување на Законот за пиротехника

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: УМС фатени во лага за прекршување на Законот за пиротехника – Тошковски молчи

10 јуни 2025

• од Станча Јаќимовски

По срамната прослава со пиротехника организирана од Унијата на млади сили (УМС) на ВМРО-ДПМНЕ, додека Македонија тагува за изгубените млади животи во Кочани, од СДСМ остро реагираат и ги обвинуваат УМС за лага и кршење на Законот за пиротехнички средства.

Од УМС се обидоа да се оправдаат со тврдење дека не било потребно да го пријават палењето факли, но СДСМ тврди дека со тоа „сами се дозакопале“ бидејќи законот е јасен.

Јасни законски одредби

Според член 39 од Законот за употреба на пиротехнички средства, палењето ракети, огномети, факелијади или слични приредби мора да се пријави во Секторот за внатрешни работи (СВР) најдоцна пет дена пред настанот. Пријавата треба да содржи детални информации за времето, местото, целта и бројот на факли што ќе бидат запалени.

СДСМ поставува едноставно прашање: „Зошто УМС не го пријавиле овој настан во СВР Велес?“

Барање одговорност и молк од министерот

Партијата прашува и кој ќе ја сноси одговорноста за ова прекршување на законот. Особено, тие го прозиваат министерот за внатрешни работи, Наќе Чулев Тошковски, прашувајќи дали „ќе продолжи да ги штити“ УМС, исто како што, според нив, „штити и други функционери поврзани со трагедијата во Кочани“.

СДСМ потенцира дека ова не е само прекршување на законот, туку и „показател за систем на ароганција, безчувствителност и неказнивост.“

УМС како „копија на сениорите“

Во својата реакција, СДСМ ги критикува УМС на ВМРО-ДПМНЕ, наведувајќи дека не се организација која ги претставува младите. Наместо тоа, ги опишуваат како „копија на сениорите во својата партија: без почит кон законите, без емпатија, со деструктивно влијание врз општеството.“

СДСМ и СДММ најавуваат дека ќе продолжат да се борат за одговорност, вистина, почитување на закони и за млади кои носат вистински вредности – почит, правда и човечност.