СДСМ: Владата на ДПМНЕ намерно ги понижува културните работници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Владата на ДПМНЕ намерно ги понижува културните работници – извинувањето на Љутков не вреди

21 април 2025

• од Вардарски

Со силна критика кон актуелната власт, Социјалдемократскиот сојуз на Македонија (СДСМ) обвини дека Владата на ВМРО-ДПМНЕ направила „груб и срамен удар“ врз културните работници токму во пресрет на големиот христијански празник Велигден. Во своето соопштение до јавноста, СДСМ истакнува дека наместо покачени плати – како што било предвидено со Колективниот договор од 2021 година – вработените во културата празниците ги дочекале без плата.

„Од мартовската плата требаше да започне корекција на примањата, согласно потпишаниот договор. Наместо тоа, тие беа игнорирани, а од Министерството дојдоа навредливи и манипулативни изјави – дека не работат доволно, дека не ја заслужуваат платата, дека платите им биле ‘високи’“, стои во соопштението.

СДСМ остро го осуди и односот на Министерството за култура, оценувајќи го како понижувачки и навредлив, со што, како што велат, Владата покажува целосна незаинтересираност за луѓето кои се носители на културниот живот во државата.

Партијата го прозва актуелниот министер Љуљзим Љутков, барајќи од него да поднесе оставка доколку не е во состојба да ги исполни обврските од колективниот договор.

„Културните работници не се статисти во општеството. Тие создаваат вредности, ја чуваат традицијата и ја градат колективната свест. Затоа заслужуваат третман со достоинство, а не молк, навреди и игнорирање“, порачуваат од СДСМ.

Социјалдемократите бараат итно почитување на потпишаниот колективен договор и исплата на платите, нагласувајќи дека извинувањето од министерот Љутков е недоволно и без тежина доколку не следат конкретни чекори во интерес на културните работници.