СДСМ: Владата на Мицкоски отвора врата за 10.000 странски работници во 2026 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Владата на Мицкоски отвора врата за 10.000 странски работници во 2026 година

16 јануари 2026

• од Станча Јаќимовски

СДСМ со критика на одлуката на Владата предводена од Христијан Мицкоски, со која, како што тврдат, се отвора можност за влез на дополнителни 10.000 странски работници во земјава во текот на 2026 година.

Според соопштението на СДСМ, одлуката стапува на сила од денеска и претставува значително зголемување во однос на минатата година, кога биле дозволени околу 4.500 странски работници. Станува збор за т.н. „економски работници“, кои би дошле да работат во различни сектори на македонската економија.

Од опозициската партија посочуваат дека ваквата мерка се носи во услови кога во државата, според нив, сè уште има речиси 100.000 невработени лица и стапката на невработеност е двоцифрена. „Наместо фокус на домашната работна сила, Владата отвора простор за масовен увоз на странски работници“, наведуваат од СДСМ.

Во реакцијата се тврди дека процесот бил подготвуван подолг период. Како аргумент, СДСМ потсетува на, како што велат, „стратешки договор“ за мигранти за кој известувале британски медиуми, по што следеле измени на Законот за странци. Со тие измени, според партијата, биле олеснети условите за влез, престој и работа на странски државјани, скратени процедурите и продолжено времетраењето на работните дозволи.

„Се создаде целосна правна рамка за долгорочно задржување на странски работници во државата, особено во случаи кога станува збор за таканаречени ‘стратешки партнери’“, обвинува СДСМ. Дополнително, од партијата тврдат дека била донесена и резолуција, односно декрет, со кој, како што велат, се ограничувала можноста опозицијата јавно да зборува за прашањето на мигрантите.

„Тоа што со месеци се подготвуваше, сега почнува да се реализира“, порачуваат од СДСМ, најавувајќи дека ќе продолжат јавно да ја критикуваат владината политика во областа на вработувањето и миграцијата.