СДСМ: Власта да не си игра со безбедноста на македонското небо

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Власта да не си игра со безбедноста на македонското небо – се бара поништување на огласот во М-НАВ

19 јули 2025

• од Станча Јаќимовски

СДСМ остро реагираше на последните случувања поврзани со институцијата М-НАВ, која е задолжена за безбедноста на воздухопловниот сообраќај во земјава. Според социјалдемократите, актуелната власт предводена од ВМРО-ДПМНЕ ја партизира институцијата на сметка на стручноста и професионализмот, што претставува сериозна закана за безбедноста на патниците и целиот воздушен сообраќај.

Во официјалното соопштение, СДСМ наведува дека наместо најавениот мерит-систем, ВМРО-ДПМНЕ спроведува „брутална и скандалозна партизација“ на институциите. Притоа, како особено загрижувачки го посочуваат огласот за вработувања во М-НАВ, во рамки на кој, според СДСМ, се вдомени партиски кадри без соодветни квалификации.

„Мажот на директорката на Централниот регистар, сопругата на Игор Југ — осуден за нападот на Собранието на 27 април, и потпретседателот на УМС на ВМРО-ДПМНЕ се вработуваат наместо стручни, едуцирани и лиценцирани кадри“, се наведува во соопштението.

Од партијата нагласуваат дека млади луѓе со образование и знаење се одбиваат, а „партиската книшка на ВМРО-ДПМНЕ станува единствен критериум“ за вработување. СДСМ ја предупредува јавноста дека станува збор не само за скандалозно вработување, туку и за потенцијална закана по безбедноста на македонското небо.

„М-НАВ не е играчка во рацете на ВМРО-ДПМНЕ, туку сервис што мора да функционира професионално и во служба на граѓаните“, истакнува СДСМ и повикува на итно поништување на огласот, повлекување на спорните решенија и поднесување оставки од сите инволвирани.

Партијата завршува со апел дека Македонија мора да биде држава на знаење, а не на партизација и непотизам, предупредувајќи дека со ваквите постапки, младите луѓе добиваат порака дека во државата немаат иднина.