СДСМ: Власта потрошила: 30.000 евра за јадење по ресторани за само четири месеци!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Власта потрошила: 30.000 евра за јадење по ресторани за само четири месеци!

01 мај 2025

• од Вардарски

Додека денес, на 1 Мај, македонските работници маршираат за своите права, повисоки плати и подобри услови за живот, на површина излегува нов скандал кој уште еднаш ја покажува вистинската слика на актуелната власт. Во држава каде мнозинството граѓани едвај го врзуваат крај со крај и со нетрпение го чекаат денот за плата, министрите од ВМРО-ДПМНЕ расфрлаат народни пари на луксузни вечери и гозби.

Според податоците достапни на платформата „Отворени финансии“, во првите четири месеци од оваа година Владата потрошила над 30.000 евра на скапи ресторани во Скопје. Сметките се запрепастувачки: од ручеци од по неколку илјади евра до вечери кои личат на сцени од мафијашки филмови. Просечно, секој месец од јануари наваму, владините функционери трошеле по 10.000 евра само на храна и пијалоци – сè додека на работниците им објаснуваат дека 400 евра плата се „доволни за нормален живот“.

Главни „кафанџии“ според овие сметки се Дон Тимчо Муцунски, Дон Филков, а зачудувачки, и министерот за култура Љутков, кој во исто време не можел да исплати плати на вработените во културата, но сепак без проблем плаќал огромни сметки во кафеани.

Скандалите со набавки на папаја, аспарагус и други егзотични производи вредни десетици илјади евра очигледно не биле доволни – требало уште и баснословни износи да се истурат по луксузни ресторани. Ова веќе не е обично расипништво, ова е целосно изживување на елитата врз сопствениот народ.

ВМРО-ДПМНЕ, која некогаш тврдеше дека е партија на народот, сега изгледа како затворен круг на луѓе изгубени во луксуз, изолирани од реалноста, без срам и без одговорност. Приватни авиони, скапи вечери, егзотични набавки – оваа власт веќе одамна ја премина секоја граница на пристојност.

На денешниот празник на трудот, СДСМ јавно порача: ќе продолжиме да ја разобличуваме оваа власт, да ги браниме граѓаните и работниците и да се бориме за нивните права. Време е ова расипништво да заврши, а парите да се насочат таму каде што навистина треба – кај оние кои секојдневно го движат општеството напред.