СДСМ: Власта свесно го загрози здравјето на граѓаните по пожарот во Трубарево

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Власта свесно го загрози здравјето на граѓаните по пожарот во Трубарево

21 септември 2025

• од Тодор Вангелов

Опозициската СДСМ обвини дека повеќе од 500 илјади жители на Скопје и околината биле оставени без заштита и информации за опасноста по здравјето по големиот пожар во Трубарево.

Според соопштението на партијата, мерењата покажале присуство на олово, арсен и кадмиум во концентрации и до 12 пати над дозволеното, но институциите, наместо да алармираат и да преземат итни мерки, молчеле.

„Наместо препораки и евакуација, власта ги убедуваше граѓаните дека опасност нема и не мрдна со прст. Со тоа, свесно беше загрозено здравјето и животот на луѓето,“ стои во реакцијата.

Од СДСМ прашуваат кој ќе ја сноси одговорноста за тоа што институциите не ги предупредиле граѓаните, ниту пак ги заштитиле од изложеност на штетните материи.

Партијата бара итна истрага од Јавното обвинителство и кривична одговорност за сите службени лица кои, како што наведуваат, со непостапување дозволиле да се загрози животот на граѓаните.

Дополнително, од СДСМ бараат оставки од министерот за внатрешни работи, министерот за здравство и директорот на Дирекцијата за заштита и спасување.

„Македонија досега не видела понеодговорна и кукавичка власт од оваа на ВМРО-ДПМНЕ. Наместо да се соочи со кризите, таа калкулира, минимизира и со лаги се обидува да си го спаси рејтингот, додека граѓаните плаќаат со сопственото здравје,“ се додава во соопштението на партијата.