СДСМ: ВМРО-ДПМНЕ сака да ја партизира полицијата – опасен удар врз професионализмот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: ВМРО-ДПМНЕ сака да ја партизира полицијата – опасен удар врз професионализмот

17 јули 2025

• од Станча Јаќимовски

На денешната прес-конференција, портпаролката на СДСМ, Богданка Кузеска, остро реагираше на предложените измени на Законот за полиција од страна на Министерството за внатрешни работи и министерот Панче Тошковски. Таа предупреди дека овие измени претставуваат директен удар врз професионалноста, кариерниот систем и европските стандарди во полициското работење.

„Ова е опасен и штетен обид на Тошковски и Владата да ја партизираат полицијата и да ја претворат во партиска милиција“, истакна Кузеска.

Контроверзни измени

Според неа, измените на повеќе клучни членови од Законот за полиција имаат сериозни импликации:

Член 2: Се овозможува поставување на лица со несоодветно образование и без претходно искуство на високи полициски позиции, со што се понижува експертизата и се деградира системот на унапредување по заслуга.
Член 4: Се укинуваат критериумите за минимум шест години искуство и четири години раководна функција за началниците на Секторите за внатрешни работи (СВР), што отвора врата за поставување некомпетентни лица, по партиски клуч.
Член 6: Се укинуваат Регионалните центри за гранични работи и се припојуваат кон СВР, што е спротивно на европските стандарди за контрола на границите, како и на препораките на Европската Унија.
Член 12: Наместо трајно, податоците во евиденциите ќе се бришат по 60 години, што, според СДСМ, отвора простор за прикривање на злоупотреби и заштита на одговорни лица.
Член 15: Се зголемува возраста за вработување во полицијата на 30 години, што Кузеска го нарече „обид за вработување на партиски кадри наместо млади професионалци“.
Член 19: Со неговото бришење, се дозволува лица со криминални пресуди или забрани за работа да останат во полицијата, што според СДСМ е „најскандалозната измена“.

Повик за повлекување

Кузеска потенцираше дека СДСМ бара итно повлекување на предложените измени и апелираше институциите да останат во служба на граѓаните, а не на партијата.

„Ова е смислен план за разградување на безбедносниот систем, партизација на полицијата и обезбедување амнестија за криминалот на ВМРО-ДПМНЕ“, порача Кузеска.

Таа додаде дека СДСМ нема да дозволи уништување на професионалноста и легализација на беззаконието, и дека ќе се бори полицијата да остане институција со јасни критериуми, компетентност и отчетност.