СДСМ: Животниот стандард паѓа – платите во Македонија се 35% од европскиот просек, а цените над 60%

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Животниот стандард паѓа – платите во Македонија се 35% од европскиот просек, а цените над 60%

22 август 2025

• од Станча Јаќимовски

На денешната прес-конференција портпаролката на СДСМ, Богданка Кузеска, предупреди дека животниот стандард на граѓаните драстично опаѓа поради економските политики на владата на Христијан Мицкоски.

Плати ниски, цени европски

Кузеска истакна дека просечната плата во Македонија денеска изнесува само околу 35% од европската просечна плата. Во исто време, цените на производите и услугите достигнуваат над 60% од европскиот просек.

„Тоа значи дека граѓаните на пазар и во продавници плаќаат речиси европски цени, а мора да живеат со трипати пониски плати,“ порача таа.

Синдикалната кошничка – недостижна за семејствата со минимална плата

Според последните податоци, синдикалната потрошувачка кошничка во август достигна 65.507 денари. Двајца вработени со минимална плата во едно семејство, како што нагласи СДСМ, не можат да ги покријат основните месечни трошоци.

Минималната плата во Македонија е меѓу најниските во Европа. За споредба, таа изнесува 511 евра во БиХ, 500 евра во Србија, додека во Црна Гора се движи од 600 до 800 евра.

Обвинувања за погрешни економски политики

„Власта на Мицкоски ја држи минималната плата на дното, иако одамна требаше да достигне 500 евра. Работниците добиваат само трошки – леб и сол,“ изјави Кузеска.

Таа го обвини ВМРО-ДПМНЕ за „луксузирања и трошење пари за папаја и манго“, додека, според неа, нема доволно средства за граѓаните и работниците.

Предлози за излез од кризата

СДСМ смета дека единствено решение е итна промена на економските политики преку:

значително покачување на платите во сите сектори,
зголемување на минималната плата на 500 евра,
намалување на високите цени, вклучително и укинување на ДДВ за храна, мерка што партијата веќе ја предложи.

„Ова се единствени реални политики за достоинствен живот на работниците и граѓаните,“ порача портпаролката на СДСМ.