Се подобрува состојбата на Панчо од ДНК, преместен од интензивна нега на оддел

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Се подобрува состојбата на Панчо од ДНК, преместен од интензивна нега на оддел

01 мај 2025

• од Вардарски

Здравствената состојба на Владимир Блажев – Панчо, член на познатата македонска група ДНК, покажува знаци на подобрување по тешката несреќа што ја преживеа. Според информациите што ги дознава „Скопје1“, тој по повеќе од 40 дена поминати на одделот за интензивна нега и под апарати во болницата „Систина“, сега е преместен на оддел каде продолжува третманот за тешките изгореници на телото и дишните патишта.

Панчо е веќе 46 дена на болничко лекување. На почетокот беше хоспитализиран во Клиничкиот центар во Скопје, а подоцна префрлен во приватна болница за понатамошна нега.

Според последните податоци, во македонските болници сè уште се лекуваат тројца пациенти поврзани со оваа трагедија, вклучувајќи го и Блажев – Панчо. Пред три дена, тројца пациенти на возраст од 19, 21 и 48 години беа транспортирани назад од Бугарија во Македонија, сите во стабилна состојба.

Јавноста е потсетена дека на 21 март Обвинителството соопшти дека Панчо е осомничен за несреќата во дискотеката „Пулс“ во Кочани, поради внесување и употреба на пиротехнички средства. Според обвинителот Коцевски, постои сомнение дека членовите на бендот околу 2:32 часот по полноќ активирале пиротехнички фонтани како дел од настапот, кои исфрлале искри кон плафонот, предизвикувајќи пожар што брзо го зафатил кровот и се проширил низ целиот објект.

Трагичниот настан резултираше со 62 загинати лица и 197 повредени. Од екипата на ДНК загинаа осум членови: вокалот Андреј Ѓорѓиески, музичарот Филип Стевковски, гитаристот Андреј Коларов, тапанарот Ѓорѓи Ѓорѓиев, придружниот вокал Сара Пројковска, тонецот Игор Велков, бит-боксерот Мартин Атанасовски – Буцо и фотографот Александар Ефремов.

Јавноста со надеж го следи закрепнувањето на Панчо, иако пред него стои долг пат на опоравување и правни предизвици.