„Се спасив благодарение на Јован“ – Јелена Арменска со потресна исповед за кобната ноќ во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Се спасив благодарение на Јован“ – Јелена Арменска со потресна исповед за кобната ноќ во Кочани

06 април 2025

• од Вардарски

Јелена Арменска од Берово е една од преживеаните во трагичниот пожар што избувна во ноќниот клуб во Кочани. По неколку недели лекување, дел од нив и во Шпанија, таа се врати дома со длабока благодарност кон оние што ѝ го спасија животот – особено кон нејзиниот пријател Јован.

„Се спасив благодарение на Јован. За среќа, имало Господ. Јас и моите две другарки се вративме живи и здрави. Хероите беа таму – пожарникарите и обезбедувањето не престанаа да се борат“, раскажува Јелена, со солзи во очите, за ноќта која никогаш нема да ја заборави.

По трагедијата, Јелена била пренесена во Скопје, на клиниките „Мајка Тереза“, каде прво била згрижена на Токсикологија, па потоа на интензивна нега. Состојбата барала итен третман, по што била испратена на понатамошно лекување во болницата „Ла Паз“ во Шпанија.

„Првите десет минути сè уште бев свесна, а потоа се онесвестив. Во Шпанија престојував една недела. Таму беше страшно – многумина беа со тешки повреди, некои подложени на пластични операции. Беше болно да се гледа, но и огромна благодарност што јас поминав без трајни последици“, раскажува Јелена.

Нејзината приказна, полна со страв, но и со надеж, ја дополнува и еден прекрасен гест на солидарност од компанијата „Зегин“. Нејзиниот сопственик, Благоја Механџиски – човек со корени од Малешевијата – не останал рамнодушен. Тој најави дека целосно ќе ја покрие станарината на младиот херој Јован, кој се очекува да ги продолжи своите студии во Скопје.

„Голема благодарност до сите што беа покрај мене – лекарите, полицајците, обезбедувањето, и секако, Јован. Без него, денес не знам дали ќе бев тука да го раскажам ова.“

Приказната на Јелена е потсетник дека и во најмрачните моменти, храброста, човечноста и пријателството можат да го променат текот на судбината. Хероите не носат секогаш униформи – понекогаш тоа се обични луѓе со големо срце.