Се трага по исчезнато лице од штипското село Степанци, активирани институции и доброволци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Се трага по исчезнато лице од штипското село Степанци, активирани институции и доброволци

11 април 2025

• од Вардарски

Центарот за управување со кризи (ЦУК) соопшти дека сè уште трае потрагата по повозрасно лице од штипското село Степанци, кое е пријавено за исчезнато на 7 април во 16:20 часот преку Единствениот повикувачки број за итни случаи – 112. Според информациите, лицето последен пат било видено на 5 април, во сабота.

Во потрагата се вклучени Министерството за внатрешни работи – СВР Штип, Општина Штип, како и други институции, служби, здруженија и граѓани кои можат да помогнат.

Потрагата во текот на вчерашниот ден се одвивала во реонот околу село Степанци. За денеска не е планирана организирана акција, освен индивидуални активности од страна на блиски роднини и пријатели на исчезнатото лице. Меѓутоа, за утре, 12 април, е најавена проширена потрага со учество на десетмина полициски службеници, извидници од извидничкиот одред „Еквинокс – Штип“, ловци од ловното здружение „Ловец“ – Штип, доброволци од Регионалниот центар за управување со кризи (РЦУК) – Штип, лица од околните села и роднини на исчезнатото лице.

ЦУК информира и за бројот на повици во последното деноноќие преку бројот 112. Од вкупно 2044 повици, 56,65% биле реални итни случаи, додека 43,85% се однесувале на нерелевантни или неитни потреби. Од реалните повици, 70,27% биле пренасочени кон полицијата, 21,08% кон итната медицинска помош, 5,95% кон противпожарните служби, и 0,27% кон АМСМ.

Во истиот период, регистрирани биле и шест пожари на отворено во Скопскиот, Битолскиот, Гевгелискиот, Штипскиот, Кочанскиот и Кумановскиот регион. Пожарникарите интервенирале и на пожари во населени места и сите биле успешно изгаснати.

Дополнително, ЦУК го пренесе известувањето од РЦУК Битола за појава на свлечиште на патниот правец меѓу селото Долно Дивјаци (Крушевско) и селото Кочишта (Демирхисарско). Свлечиштето целосно ја оневозможува безбедната проодност на патот, поради што сообраќајот на тој дел е привремено забранет за сите категории возила. Забраната е објавена преку медиумите и е обележана со соодветна сообраќајна сигнализација.

Центарот апелира до сите граѓани кои имаат информации поврзани со случајот на исчезнатото лице да се обратат до најблиската полициска станица или да се јават на бројот 112.