Се враќаат строгите забрани за пушење: Казни и за пушење на затворени тераси

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Се враќаат строгите забрани за пушење: Казни и за пушење на затворени тераси

03 јуни 2025

• од Станча Јаќимовски

Министерството за здравство подготвува нова офанзива против пушењето, со повторно враќање на строгите забрани – вклучително и за пушење на затворени тераси во угостителските објекти. Како што најави заменик министерот за здравство, Јовица Андовски, целта е јасна: заштита на здравјето на граѓаните, особено на младите генерации.

На одбележувањето на Светскиот ден без тутун, Андовски порача дека ќе има „строги казни“ за прекршителите, иако „нема инспектори колку што има пушачи“. Според него, се разгледуваат две правни опции – измена на постоечкиот Закон за заштита од пушење или донесување целосно нов закон со фокус на ригорозни ограничувања и санкции.

Властите најавуваат дека ќе се водат по примерот на Франција, каде пушењето е забрането дури и на отворено, доколку има деца, во паркови или спортски зони.

Алармантни податоци: Децата почнуваат да пушат од 13 години

Лекарите и меѓународните организации алармираат дека просечната возраст кога младите почнуваат да пушат во Македонија е само 13 години. Истовремено, дури 70% од пушачите почнале пред 21-годишна возраст.

УНИЦЕФ и Светската здравствена организација предупредуваат дека тутунската индустрија намерно ги таргетира младите преку ароми како манго и јагода, со цел да ги направи производите попривлечни и „невини“. Според нив, едукацијата против пушење треба да почне уште во училиштата.

Половина од населението пуши – пушењето водечка причина за смрт

Македонија е меѓу земјите со највисок процент на пушачи – речиси секој втор граѓанин користи тутунски производи. Пушењето е една од главните причини за смртност од кардиоваскуларни болести, заедно со висок крвен притисок.

Експертите апелираат: „Слободата да се пуши завршува каде што почнува правото на децата да дишат.“

Што ќе значат новите измени?

Предложените законски измени ќе воведат нула толеранција за пушење на места каде што има деца – како игралишта, паркови и затворени простории во угостителски објекти. Ќе се зголемат и контролите и казните за угостителите кои не ги почитуваат правилата.

Новата регулатива има за цел не само да го намали бројот на пушачи, туку и да го заштити правото на чист воздух, особено кај младите и најранливите категории граѓани.