Сече лента на фабрика што работи цела година – премиерот во скандал со „нова“ инвестиција!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Сече лента на фабрика што работи цела година – премиерот во скандал со „нова“ инвестиција!

03 април 2025

• од Вардарски

Премиерот Христијан Мицкоски деновиве свечено пресече лента на фабриката „Магна Мехатроникс“ во Штип – потег кој предизвика жестоки реакции во јавноста и од опозицијата, откако се откри дека оваа канадска компанија функционира и вработува луѓе веќе повеќе од една година.

Граѓани споделија дека уште пред една година добивале огласи за вработување во истата компанија преку платформата „Вработување.мк“, што го доведува во прашање моментот и смислата на актуелната церемонија за нејзино „отворање“.

На настанот остро реагираше и опозициската СДСМ, обвинувајќи го премиерот дека се промовира со проекти започнати и реализирани од претходната влада.

„Мицкоски повторно се кити со туѓи перја. Откако пред два дена ја најави, сега се фали со отворање на ‘Магна Мехатроникс’ – инвестиција што беше најавена уште во мај 2023 година од тогашниот премиер Димитар Ковачевски“, соопшти СДСМ.

Според опозицијата, оваа инвестиција е резултат на економските политики на СДСМ кои, како што велат, овозможиле подобра бизнис-клима и привлекле странски компании.

„Ова не е ништо друго освен доказ за економска безидејност и неспособност на ВМРО-ДПМНЕ. Владата на Мицкоски речиси една година нема донесено ниту една сериозна странска инвестиција, а економијата е во стагнација“, порачаа од СДСМ.

Тие го повикаа премиерот да се соочи со реалноста наместо да приредува ПР-настани за веќе реализирани проекти, додавајќи дека „животниот стандард на граѓаните го допре дното“.

Настанот со „Магна Мехатроникс“ уште еднаш ги отвори прашањата за транспарентноста и кредибилитетот на политичките наративи поврзани со странските инвестиции и економскиот развој на земјата.