Секојдневна соработка: Бугарија дава поддршка на Македонија во напорите против чумата кај овците!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Секојдневна соработка: Бугарија дава поддршка на Македонија во напорите против чумата кај овците!

27 март 2025

• од Гоце Кически

Симулациска вежба за појава на болеста чума кај мали преживари заврши денеска во Северна Македонија, која беше организирана од Агенцијата за храна и ветеринарство (АХВ) со поддршка од Организацијата за храна и земјоделство на Обединетите нации (ФАО) и експерти од Агенцијата за безбедност на храна на Бугарија.

Според информациите од ФАО, чумата кај малите преживари е високо заразна вирусна болест која ги погодува козите, овците, друг ситен добиток и дивите животни. Симптомите на болеста вклучуваат висока температура, депресија, исцедок од очите и носот, како и болни рани во устата на животните, кои не можат да јадат. Овие животни исто така страдаат од пневмонија и дијареја. Кога ќе навлезе, вирусот може да зарази од 90 до 100 проценти од популацијата. Стапката на смртност може да достигне и до 100 проценти во најтешките случаи.

„Оваа болест е тесно поврзана со вирусот на чума кај говедата (rinderpest), кој беше прогласен за искоренет во 2011 година. Но, напорите за искоренување на чумата кај малите преживари продолжуваат“, се истакнува во соопштението на ФАО.

Последиците од појавата на чумата кај малите преживари во земјите во Европа, вклучително во Бугарија, Грција, Романија и Унгарија, ја истакнуваат потребата од превенција и контрола на оваа болест.

Директорот на АХВ, Оливер Миланов, при отворањето на вежбата нагласи важноста на истата за проценка на ефикасноста на постојниот систем за заштита од болеста. Тој потврди дека болеста е присутна во регионот од минатата година и нагласи дека АХВ веднаш го активираше алармот за сериозен и координиран пристап за нејзината превенција.

„Засега, заедно успеваме да се заштитиме од болеста која може многу брзо да се прошири и во нашата земја. Мораме да продолжиме со напорите за превенција и да соработуваме со сите засегнати чинители“, изјави Миланов.

Експертот на ФАО за здравје на животните, Еран Раизман, истакна дека чумата кај малите преживари претставува една од најголемите економски закани за фармерите. Тој додаде дека обуката ја зголемува свесноста за болеста и обезбедува знаење за надзор, рано предупредување и добри практики за биосигурност.

„Мултисекторски партнерства и координација со сите засегнати страни се неопходни за искоренување на оваа болест“, рече Раизман.

Тридневната симулациска вежба вклучуваше учесници од АХВ, Министерството за земјоделство, Ветеринарната комора на Северна Македонија, Факултетот за ветеринарна медицина, експерти од Европската унија и членови на Сојузот на здруженија на одгледувачи на овци „Модерен овчар“. Првиот ден од вежбата се одржа теоретско-практичен дел во просториите на Факултетот за земјоделски науки и храна, каде што учесниците се информираа за клиничките знаци на болеста, методите за рано откривање, како и искуствата на земјите кои се соочиле со чумата.