Секој петти Македонец живее во сиромаштија – најпогодени децата и самохраните родители

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Секој петти Македонец живее во сиромаштија – најпогодени децата и самохраните родители

24 септември 2025

• од Станча Јаќимовски

Секој петти граѓанин во Македонија живее под прагот на сиромаштија, покажуваат податоците на Државниот завод за статистика за 2023 година. Најпогодени се децата – речиси секое трето дете е сиромашно.

Најризични групи

Статистиката открива дека најризични категории се семејствата со повеќе деца и самохраните родители. Кај овие групи, речиси половина живеат под прагот на сиромаштија. Во споредба со 2022 година, има мало намалување кај семејствата со повеќе деца, но состојбата на самохраните родители останува иста.

Сиромаштијата не ја заобиколува ниту групата на вработени – околу 8% од лицата кои имаат работа сепак живеат во сиромаштија. Кај пензионерите, пак, стапката изнесува околу 11%.

Праг на сиромаштија

За еден самец да излезе од сиромаштија, потребен е месечен приход над 12.000 денари, или над 145.000 денари годишно. Кај четиричлено семејство, минималниот праг е над 25.300 денари месечно, односно повеќе од 304.000 денари годишно. Податоците покажуваат дека овие износи се повисоки во однос на 2022 година.

Експертски ставови

Според Билјана Дуковска од Македонската платформа против сиромаштија, намалувањето на стапката за помалку од 0,5% е речиси незначително. Таа укажува дека државата нема долгорочна стратегија за намалување на сиромаштијата и дека мерките што се преземаат се само парцијални.

– „Ништо не се работи на тоа поле во однос на национален консензус. Се случуваат мали мерки, но бројките ја покажуваат реалноста“, истакна Дуковска.

Таа смета дека краткорочните решенија, како замрзнување на маржите на основните производи, само привремено им помагаат на сиромашните семејства. Според неа, потребна е координирана акција: намалување на невработеноста проследено со социјални услуги, образование и подобрување на условите за живот.

Влијание на социјалните трансфери

Податоците покажуваат дека социјалните трансфери значително влијаат на сиромаштијата. Доколку не постојат вакви помошни мерки, стапката би изнесувала 40%. Со нив, таа се намалува на 22,2%.