Сериозни забелешки од спортистите на ЕМОФ: Спијат по двајца во кревет, нема доволно храна и вода

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Сериозни забелешки од спортистите на ЕМОФ: Спијат по двајца во кревет, нема доволно храна и вода

26 јули 2025

• од Станча Јаќимовски

Европскиот младински олимписки фестивал (ЕМОФ), кој оваа година се одржува во Скопје, се одвива со полна спортска програма и енергија, но надвор од спортските терени, сè поголемо внимание привлекуваат условите во кои се сместени спортистите.

Иако фестивалот беше дочекан со ентузијазам и гордост, дел од учесниците јавно проговорија за сериозни организациски пропусти. Во изјава за Телма, спортистите открија дека се соочуваат со лоши услови за сместување и ограничени ресурси.

„Мораме да спиеме по двајца во еден брачен кревет – јас со тренерот. Во собите нема тоалети, мора да ги делиме со други, а вода има само во кујната и тоа по две шишиња на човек. И жешко е, нема клима“, изјави одбојкарката Агата.

Нејзината колешка Антонина Павловска додаде дека и храната е проблем: „Малку е, не е вкусна, можеше многу подобро.“

Слично размислува и Ашја Штурек: „Немаме тоалет за девојки во собите. Храната е малку, а ние тренираме на високи температури. Секојдневно пријавуваме проблеми, но добиваме одговор дека сè било однапред испланирано и не може да се менува.“

На социјалните мрежи кружат и фотографии од патеки што се асфалтираат непосредно пред трките, што дополнително ги засилува критиките за начинот на кој се организира манифестацијата, особено во однос на безбедноста на младите спортисти.

Покрај инфраструктурните и логистичките проблеми, вниманието го привлече и случајот со повредениот велосипедист од Литванија, чие фотографија со гипс во раката се прошири низ медиумите. Македонската велосипедска федерација демантираше поврзаност на повредата со организацијата на фестивалот, појаснувајќи дека повредата се случила уште пред отворањето на Игрите, за време на тренинг во Куманово.

„Тоа е изолиран инцидент. Велосипедистот паднал на технички елемент од патеката и се здобил со скршеница уште пред фестивалот да започне“, се наведува во соопштението.

Исто така, беше потврдено дека двајца велосипедисти од Исланд се повредиле на пат кој не бил официјално предвиден за тренинг. Федерацијата нагласува дека спортистите се упатиле самостојно на таа траса и дека сега се во добра здравствена состојба.

И покрај спортскиот дух и вложениот труд од многу волонтери и организатори, овие случувања фрлаат сенка врз настанот и отвораат прашања за стандардите на сместување, исхрана и безбедност на младите спортисти кои доаѓаат од цела Европа.