Северна Македонија ќе земе нов заем од 15 милиони евра за унапредување на основното образование

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Северна Македонија ќе земе нов заем од 15 милиони евра за унапредување на основното образование

30 август 2025

• од Гоце Кически

Република Северна Македонија ќе се задолжи со нов заем од Меѓународната банка за обнова и развој – Светска банка, во износ од 15 милиони евра. Средствата ќе бидат наменети исклучиво за дополнително финансирање на Проектот за унапредување на основното образование.

Според предлог-законот доставен до Собранието, заемот ќе се отплаќа во рок од 12 години, со тригодишен грејс-период. Отплатата е предвидена на 18 полугодишни рати – 17 рати во висина од по 5,56 проценти од износот на заемот и последна, 18-та рата, во висина од 5,48 проценти. Датумите на отплата ќе бидат секој 15 јуни и 15 декември. Каматната стапка е дефинирана како шестмесечен ЕУРИБОР со варијабилен распон.

Законот утврдува и провизии кон банката. Република Северна Македонија ќе плати еднократна провизија (front-end-fee) во висина од 0,25 проценти од заемот, како и годишна провизија од 0,25 проценти на неповлечениот дел од средствата.

„Основната цел на проектот е подобрување на условите за учење во основното образование. Проектот ќе опфати широка група засегнати страни – наставници, ученици, родители, службени лица од локалната самоуправа, како и ранливи категории“, стои во образложението на законот.

Фокусот ќе биде ставен врз подобрување на инфраструктурата и условите за учење во училиштата, особено за учениците од ранливи категории, како и на подобрување на квалитетот на наставата преку обуки за наставници, стручни соработници и директори. Предвидени се и грант-програми за развојни проекти во училиштата и воведување на моделот за продолжен престој.

Проектот за унапредување на основното образование е дел од Стратегијата на Светска банка за партнерство со Северна Македонија за периодот 2019–2023. Се спроведува од април 2021 година од страна на Министерството за образование и наука, во соработка со Бирото за развој на образованието, Државниот испитен центар, Државниот просветен инспекторат, општините и основните училишта.

Досега, од првиот заем во износ од 21,5 милиони евра, до 31 мај 2025 година се повлечени 89,8 проценти од средствата. Крајниот рок за целосна имплементација на проектот е 27 февруари 2026 година.