Шекеринска ја храбри Украина за членство во НАТО со примерот на С: Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шекеринска ја храбри Украина за членство во НАТО со примерот на С: Македонија

26 април 2025

• од Вардарски

Заменик-генералната секретарка на НАТО, Радмила Шекеринска, на средба со млади луѓе во Будва го посочи примерот на Македонија како инспирација за Украина на нејзиниот пат кон членство во Алијансата.

Прашана за перспективите на Украина за присоединување кон Северноатлантскиот сојуз, Шекеринска потсети дека Македонија чекала речиси 30 години за да стане полноправна членка на НАТО, иако патот бил долг и исполнет со предизвици. Таа ја искористи оваа прилика да ги охрабри Украинците да не ја губат надежта.

„Приемот на Украина во НАТО е важно и многу тешко прашање. Проширувањето на пактот е многу сложен процес. Во тешки времиња не треба да ја губиме надежта“, порача Шекеринска.

Таа истакна дека Западен Балкан останува од стратешко значење за НАТО, предупредувајќи дека и покрај моменталниот мир, регионот сè уште се соочува со предизвици.

„Не е доволно само да нема војна. Зборовите имаат значење. Регионот денес е мирен и насочен кон Европската унија, но и понатаму сме сведоци на изјави насочени кон поделба, национализам и сецесија. Тоа не се само зборови – понекогаш зборовите се поопасни од оружјето, затоа што можат да доведат до насилство“, додаде заменичката на генералниот секретар на НАТО, Марк Руте.

Со своето обраќање, Шекеринска ја пренесе пораката дека истрајноста и вербата во вредностите на демократијата и безбедноста се клучни за секоја земја која тежнее кон членство во НАТО.