Шкендија под лупа: Повиците „УЧК“ за време на минутата молк може да донесат жестока казна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шкендија под лупа: Повиците „УЧК“ за време на минутата молк може да донесат жестока казна

01 април 2025

• од Вардарски

Фудбалскиот клуб Шкендија од Тетово се соочува со сериозна дисциплинска постапка, откако за време на едноминутниот молк во чест на жртвите од трагедијата во Кочани, дел од навивачите извикуваа „УЧК, УЧК“. Овој инцидент се случи на натпреварот против АП Брера, и може да резултира со драконска казна – дури 15 натпревари играње надвор од домашниот терен.

Фудбалската федерација на Македонија (ФФМ) веќе отвори дисциплинска постапка против клубот, а одлуката за евентуалната казна се очекува наскоро.

Во меѓувреме, со официјална реакција излезе и самиот клуб. Од Шкендија велат дека искрено жалаат за инцидентот и се дистанцираат од провокациите.

„Како клуб, длабоко ја доживеавме трагедијата во Кочани, која ја потресе целата држава. Секојдневието ни беше обележано од тага, а тоа се почувствува и на самиот натпревар. Минутата молчење беше целосно поддржана од клубот. За жал, мала група поединци од трибините избраа да го нарушат тој момент. Тоа однесување не го претставува ниту клубот ниту навивачката база во целина“, се наведува во соопштението.

Од клубот појаснуваат дека за време на натпреварот на стадионот биле присутни околу 3.000 до 4.000 гледачи, од кои само околу 20 лица се однесувале неодговорно, додека мнозинството изразило негодување преку свирежи. Интересно е и тоа што навивачката група „Балисти“, која обично се наоѓа зад голот на стадионот „Маршин Беќири“, овојпат била сместена на централната трибина.

„‘Балистите’ се 12-ти играч на клубот, но неодговорното однесување на мала група не го отсликува ставот на целата навивачка група, која во моментов се наоѓа во процес на реорганизација“, додаваат од клубот.

Случајот предизвика бурни реакции во јавноста, а исходот од дисциплинската постапка би можел да има сериозни последици за Шкендија во тековната сезона. Клубот моментално е лидер на табелата и секое натпреварување надвор од Тетово би било значителен удар, како спортски така и финансиски.