Штрајкот на контролорите на летање е откажан по одлука на судот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Штрајкот на контролорите на летање е откажан по одлука на судот

17 октомври 2025

• од Станча Јаќимовски

Авиосообраќајот во земјата ќе се одвива непречено в понеделник, откако Граѓанскиот суд изрече времена забрана за најавениот штрајк на контролорите на летање.

Струковиот синдикат на контролори на летање на Македонија (ССКЛМ) соопшти дека ќе ја почитува одлуката на судот и дека штрајкот, кој беше планиран да се одржи од 10 до 15 часот, се става во мирување.

Реакција од синдикатот

Претседателот на ССКЛМ, Александар Тасевски, изјави на прес-конференција дека синдикатот нема да се откаже од своите барања, иако мора да ја почитува судската одлука. Тој најави дека ќе поднесат жалба на решението и претставка до Републичкиот судски совет против судијката што го водела предметот, бидејќи, како што рече, не им била дадена можност да ја изложат својата одбрана.

„Бевме подготвени денеска да се појавиме на рочиште, но испадна дека е откажано. Не ни беше овозможено да ја изложиме нашата одбрана и да ги оспориме невистинитите наводи во тужбеното барање“, рече Тасевски.

Ставот на М-НАВ

Судската одлука следува по барање на раководството на М-НАВ, кое оцени дека најавениот штрајк е спротивен на законот, бидејќи не била спроведена постапка за мирно решавање на спорот, а синдикалните барања не произлегуваат од конкретни работни односи.

Барањата на контролорите

Тасевски, пак, тврди дека постапката за помирување е одамна завршена и дека проблемот настанал затоа што новата менаџерска структура на М-НАВ не ја почитува Спогодбата потпишана во 2023 година.

Меѓу главните барања на синдикатот се:

ангажирање на консултантска фирма за функционална анализа на претпријатието,
вработување на стручни кадри наместо партиски кадри,
подобрување на условите за работа.

„Едно од барањата е подобрување на условите за работа. Со денови немаме вода на работното место, па вработените мора да одат во Аеродромот ТАВ или во локалните кафеани во Петровец за да извршат нужда“, изјави Тасевски.

Продолжување на процесот

Иако штрајкот е ставен во мирување, синдикатот најавува дека ќе продолжи со институционална борба за исполнување на своите барања. Засега, авиосообраќајот ќе се одвива нормално и без прекини.