Шукова: Цените растат, платите најниски во регионот – потребно е зголемување на платите за заштита на стандардот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шукова: Цените растат, платите најниски во регионот – потребно е зголемување на платите за заштита на стандардот

06 мај 2025

• од Вардарски

Пратеничката на СДСМ, Каја Шукова, во дебатната емисија „Анализа“ на телевизија 24 предупреди дека македонските граѓани се соочуваат со сè потешки услови за живот. Таа посочи дека индексот на трошоци на живот од јануари до март пораснал за 2,7 до 5%, а цените на мало во истиот период се зголемиле за 2,2 до 5,2%.

– Нашите граѓани имаат најниски плати во регионот. Платите мора да се зголемат за да се заштити животниот стандард, – рече Шукова.

Шукова истакна дека дури и Светска банка, која се води според економска логика, а не популистичка реторика, ја намалила својата проекција за раст на БДП, предвидувајќи раст од само 2,6% во 2025 година.

Според неа, макроекономските показатели не се охрабрувачки: индустриското производство бележело пад од септември до декември, со мал пораст од 1,4% во јануари, но повторно пад од 0,8% во февруари.

Шукова потсети дека за време на најголемите кризи – енергетската и ковид кризата – владата предводена од СДСМ доделила 2,6 милијарди евра неповратни средства на компании и граѓани, што, како што нагласи, било клучно за избегнување на затворање на многу фирми.

– Сега немаме криза, а економијата е во пад, – предупреди Шукова.

Дополнително, таа посочи дека има доцнење во повратот на ДДВ, зголемувањето на пензиите го зголемило долгот на пензискиот фонд, а по завршувањето на владините мерки цените на храната повторно растат.

Во врска со унгарскиот кредит за општините, Шукова нагласи дека сè уште нема реален ефект во агрегатните податоци бидејќи досега се искористени само 8% од предвидените 77 милиони евра, што покажува слаба реализација и неефикасност.

Текстот е подготвен од Центарот за комуникации со јавноста на СДСМ.