Шукова: Мицкоски живее во паралелен свет каде горењето отпад не загадува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шукова: Мицкоски живее во паралелен свет каде горењето отпад не загадува

11 септември 2025

• од Станча Јаќимовски

Кандидатката за градоначалник на Скопје, Каја Шукова, остро реагираше на изјавата на премиерот Христијан Мицкоски, кој денеска изјави дека испитувањата на параметрите на штетни честички не покажуваат алармантни вредности за загаденоста на воздухот во Скопје.

Шукова, преку објава на својот профил на Фејсбук, порача дека премиерот и градоначалниците од ВМРО-ДПМНЕ живеат во „фата моргана“, бидејќи во текот на нивниот четиригодишен мандат не презеле никакви мерки за заштита на граѓаните.

„Додека Скопје се гуши, Мицкоски живее во паралелен свет, а таму воздухот е чист, депониите се европски, а граѓаните среќни. Во реалноста, чадот и ПМ честичките од Вардариште и Дрисла влегуваат во секој дом и секое училиште. Можеби на премиерот му се чини дека тоа е ‘фата моргана’, но реалноста е дека ова е труење на граѓаните!“, истакна Шукова.

Таа нагласи дека наместо решенија, владејачката партија и нејзините градоначалници молчат и го игнорираат проблемот со загадувањето. „Нивните градоначалници четири години не испланираа, ниту пак реализираа проекти за намалување на загадувањето на воздухот“, додаде таа.

Во својата реакција, Шукова ги потсети граѓаните на конкретните мерки кои таа ги предлага за справување со загадувањето.

„Мојот план е итно оградување и обезбедување на Вардариште и нова современа претоварна станица по европски стандарди. Со тоа, Скопје конечно ќе добие чист воздух и систем за отпад кој работи за граѓаните, не против нив!“, напиша Шукова на социјалните мрежи.