Шукова предлага оградување на Вардариште и 24-часовна физичка контрола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шукова предлага оградување на Вардариште и 24-часовна физичка контрола

03 септември 2025

• од Станча Јаќимовски

Кандидатката за градоначалник на Скопје, Каја Шукова, денеска изјави дека целосно го оправдува протестот на жителите на општина Аеродром, кои веќе подолг период бараат итно решавање на проблемот со депонијата „Вардариште“. Според нив, загадувањето и неподносливата миризба претставуваат сериозна закана за здравјето и животната средина.

На прес-конференцијата, Шукова упати остри критики кон својот противкандидат Орце Ѓорѓиевски, обвинувајќи го за потценување на граѓаните и за „срамна изборна манипулација“ со предлогот Вардариште да се претвори во парк.

„Тоа е навреда за сите што протестираат и секојдневно се трујат. Орце ќе го претвори Вардариште во парк онолку колку што го дислоцираше Центарот за зависници од Кисела Вода,“ изјави Шукова.

Две фази за решавање на проблемот

Кандидатката го претстави својот план за решавање на проблемот со депонијата, поделен во две фази:

Прва фаза – итни мерки

Оградување на локацијата.
Воспоставување 24-часовна физичка контрола и обезбедување.
Инсталација на систем за видео надзор.
Во рок од 45 дена – воспоставување систем за спречување на палење на депонијата.

Втора фаза – долгорочни решенија

Изградба на современа претоварна станица.
Целосна санација на контаминираната локација.
Воспоставување интегриран систем за управување со отпад, со задолжителна селекција и финално депонирање во „Дрисла“.
Обнова на механизацијата за собирање и транспорт на отпад.
Постојан мониторинг и надзор според највисоки еколошки стандарди.

Реакции од граѓаните

Жителите на Аеродром и соседните населби излегоа на протест поради горењето на Вардариште во неделата и континуираното чадење. Според нив, на депонијата има над два милиони кубни метри отпад, што ја прави локацијата еколошка бомба и директна опасност за здравјето на луѓето и за животната средина.

Тие бараат институциите да реагираат без одлагање и конечно да се реши деценискиот проблем со оваа дива депонија.