21 септември 2025
• од Станча Јаќимовски
Кандидатката за градоначалник на Град Скопје, Каја Шукова, остро реагира на постапките на власта по пожарот во Трубарево, обвинувајќи ја дека со денови ги изложила граѓаните на опасни токсини, без да преземе навремени мерки.
Шукова потсети дека скопјани биле изложени на високи концентрации на тешки метали – олово, арсен и кадмиум – додека власта уверувала дека опасност нема. Според неа, вистината излегла на виделина дури по шест дена, кога биле објавени резултатите од мерењата.
„Концентрацијата на кадмиум во воздухот била речиси 12 пати над дозволената граница, а и арсенот и оловото биле над максимално дозволените вредности,“ напиша Шукова на своите профили на социјалните медиуми.
Таа оцени дека ваквото однесување на власта не е само негрижа, туку и свесно загрозување на здравјето на луѓето:
„Ова е лицето на власта што не знае за превенција, што не знае за заштита, што бега од одговорност и зад лаги ја крие сопствената неспособност.“
Шукова порача дека животот и здравјето на граѓаните не смеат да бидат жртва на политички калкулации и лаги. Таа потенцира дека мора да има одговорност за ваквиот однос кон јавноста, бидејќи довербата на граѓаните не смее да биде злоупотребена, особено кога станува збор за нивното здравје и безбедност.
Ненадминливи Понуди Дневно
4.8 (10276 рецензии)
Заштедете 152.00 ден

