Шведската амбасадорка: Додека не се внесат Бугарите во уставот, Скопје е надвор од ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шведската амбасадорка: Додека не се внесат Бугарите во уставот, Скопје е надвор од ЕУ

21 јуни 2025

• од Станча Јаќимовски

Амбасадорката на Шведска во Република Северна Македонија, Ами Ларсон-Џејн, во интервју за емисијата „360 степени“ на МРТ 1, изјави дека уставните измени се очигледно следниот клучен чекор во процесот на евроинтеграција на земјата.

„Свесна сум за загриженоста на македонската страна за тоа што следува понатаму, но велиме: помогнете ни за да ви помогнеме, бидејќи навистина сакаме да помогнеме. Сè додека уставните измени не бидат усвоени, топката е во дворот на Скопје. Но, штом се усвојат, тогаш таа ќе биде во дворот на Европската Унија – на земјите-членки и институциите. Потоа, ние ќе треба формално да се погрижиме за почетокот на преговорите“, изјави Ларсон-Џејн.

Таа додаде дека евентуално воспоставување механизам за градење доверба би бил добредојден, но дека во моментов е најважно да се види напредок од македонска страна. „Силно го поддржуваме проширувањето и ја поддржуваме оваа држава во нејзината јасно декларирана цел – членство во ЕУ“, нагласи амбасадорката.

На прашањето за стравувањата во Северна Македонија дека може да има нови барања од бугарска страна, поврзани со работата на заедничката комисија за историски и образовни прашања, Ларсон-Џејн рече дека не е запознаена со деталите на нејзината работа, но потенцира дека е важно двете земји да разговараат како добри соседи.

„Дел од добрососедските односи е способноста да седнете и да разговарате со добра волја. Историјата секогаш има различни перспективи – и ние во Скандинавија сме се соочувале со слични предизвици. Но, самото разговарање е европска вредност“, рече таа.

Амбасадорката истакна и дека во Европската Унија постои „силна енергија“ за проширување, предизвикана од руската инвазија врз Украина, и дека претседателката на Европската комисија, Урсула фон дер Лајен, дала јасни насоки до еврокомесарите да ги подготват институциите за тоа.

„Проширувањето го гледаме како инвестиција во мир, безбедност и просперитет – и за ЕУ, но и за регионот. Знам дека македонските граѓани го слушаат ова веќе долго време, но верувам дека сега има реална шанса која мора да се искористи“, додаде Ларсон-Џејн, посочувајќи дека Северна Македонија може да биде меѓу предводниците на новиот бран на проширување.

Сепак, таа предупреди дека уставните измени не се единствениот услов за членство во ЕУ.

„Понекогаш имам впечаток дека во Македонија постои перцепција дека уставните измени се сè што е потребно, а тоа не е така. Основни теми во преговорите се владеењето на правото, демократијата, човековите права и борбата против корупцијата“, нагласи амбасадорката.

Таа истакна дека агендата за реформи е одговорот на државата на планот на ЕУ и оти е близу моментот кога напредокот ќе треба да биде јасно евидентиран. „Знаеме дека почетокот беше добар, програмата беше амбициозна, а Брисел го призна тоа. Сега сакаме да видиме брзо и енергично спроведување на реформите“, заклучи амбасадорката Ами Ларсон-Џејн.