Шверцери најавуваат учество на протестот на 13 декември: Борбата на УЧК беше праведна и за слобода

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шверцери најавуваат учество на протестот на 13 декември: Борбата на УЧК беше праведна и за слобода

11 декември 2025

• од Станча Јаќимовски

Навивачката група на ФК Шкупи, „Шверцери“, објави дека ќе се приклучи на протестот што ќе се одржи на 13 декември на плоштадот „Скендербег“ во Скопје, во знак на поддршка на поранешните раководни фигури на Ослободителната војска на Косово (УЧК).

Во официјалното соопштение, групата истакнува дека протестот не го смета за индивидуална или политичка битка, туку како прашање од национално значење кое ги засега сите припадници на заедницата.

„Шверцери Шкуп ќе го поддржат протестот во сабота, на 13 декември, организиран против Специјалниот суд, на плоштадот ‘Скендербег’ во Скопје. Не само затоа што многу членови на нашата група биле дел од славното минато на УЧК, туку и затоа што борбата на оваа организација беше возвишена и една од најзначајните во последниот век. Ова не е индивидуална ниту политичка битка – ова е национална битка што нè засега сите, а не само оние кои денес неправедно се држат во затвор“, стои во соопштението.

Групата дополнително нагласува дека УЧК водела „праведна борба за слобода“, со цел заштита на домовите и на невините цивили, кои, како што истакнуваат, биле изложени на насилства од страна на српските воени сили.

„Борбата на УЧК беше праведна борба за слобода – борба насочена кон одбрана на домашниот праг и заштита на невините граѓани. Ги повикуваме сите членови на ‘Шверцери’ да присуствуваат на протестот, за заеднички да испратиме јасна порака дека стоиме зад луѓето кои ја избраа слободата како единствена алтернатива“, додава групата.

Протестот на 13 декември се очекува да го привлече вниманието на широката јавност и да собере голем број поддржувачи.