Симонов: Власта ја претвори државата во инструмент за репресија и цензура

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Симонов: Власта ја претвори државата во инструмент за репресија и цензура

28 септември 2025

• од Станча Јаќимовски

Членот на Президиумот на Левица, Александар Симонов, во објава на социјалните мрежи остро ја нападна актуелната власт, обвинувајќи ја за узурпација на демократијата, легализирање на цензурата и претворање на државата во средство за политичка репресија.

„Цензурата е легална“

Симонов смета дека власта ја изедначила државата со партијата и дека таа одлучува за сè – од тоа кој ќе се појави на медиумите, до тоа како ќе изгледаат анкетите и колку ресурси ќе се доделат на различни политички субјекти. „Абе ЦЕНЗУРАТА Е ЛЕГАЛНА, Орвел може да ви позавиди“, пишува тој, додавајќи дека уставните принципи на еднаквост и плурализам се „претворени во пепел“.

Обвинувања кон ВМРО-ДПМНЕ

Иако дел од кандидатите на ВМРО јавно изјавиле дека изборната трка не е фер, Симонов смета дека нивното дистанцирање е лицемерно. „Не може да си дел од системот, да ги користиш сите негови привилегии и потоа да се оградуваш од девијациите кои истиот ги создава,“ нагласува тој.

Политички сојузи и страв од Левица

Според Симонов, актуелната ситуација покажува дека ВМРО-ДПМНЕ и СДСМ се во прикриен сојуз, бидејќи владејачката партија им е „потребен противник“ на најголемата опозициска партија. Тој предупредува дека вистинскиот страв на власта не е моменталниот рејтинг на Левица, туку можноста за нејзина улога како обединувачки фактор во вториот изборен круг.

„Неправда“ што го мобилизира членството

Симонов ја посочува дискриминацијата врз Левица – од исклучување од медиуми до противзаконско објавување на лични податоци на пратениците – како обид на власта да ја маргинализира партијата. Но, според него, тоа ја имало спротивната последица: мобилизација на членовите и поддржувачите. „Одамна немам видено волкав жар да се распламти кај нашите членови и активисти,“ пишува тој.

Критика за изборниот процес

Симонов дополнително обвинува дека власта веќе ја започнала кампањата пред официјалниот старт, прекршувајќи го изборниот законик со јавни промоции и митинзи, без санкции од надлежните институции. „Партијата на власт ја користи државата како сопствен инструмент,“ завршува тој.