Синот и таткото ја напуштиле државата: Кривични пријави за смртоносната сообраќајка кај „Зебра“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Синот и таткото ја напуштиле државата: Кривични пријави за смртоносната сообраќајка кај „Зебра“

10 јануари 2026

• од Станча Јаќимовски

СВР Скопје поднесе кривични пријави против четири лица поврзани со тешката сообраќајна несреќа што вчера околу 11:30 часот се случи на улицата „Народен фронт“ во Скопје, во близина на пешачкиот премин кај „Зебра“, во која животот го загуби 79-годишна жена.

Според информациите од Министерството за внатрешни работи, патничко возило „фолксваген пасат“ со скопски регистарски ознаки, управувано од 18-годишен возач, удрило во Љ.Ј. (79) од Скопје. Жената починала од здобиените повреди, а возачот веднаш избегал од местото на несреќата без да укаже помош.

Со помош на системот „Безбеден град“, камерите од околните објекти и изјави од сведоци, полицијата утврдила дека возилото е во сопственост на 45-годишен маж од Скопје, татко на возачот. Автомобилот бил пронајден пред домот на сопственикот, каде бил затекнат 46-годишен маж, кој бил приведен и со него бил извршен службен разговор.

Понатамошната истрага покажала дека 18-годишниот возач и неговиот татко, со помош на две лица на возраст од 45 и 53 години од Скопје, ја напуштиле државата уште истиот ден. Двете лица кои им помогнале се лишени од слобода и против нив е поднесена кривична пријава до Основното јавно обвинителство Скопје за кривично дело „помагање на сторител по извршено кривично дело“.

Против 18-годишниот возач е поднесена кривична пријава за „тешки дела против безбедноста на луѓето и имотот во сообраќајот“, како и за „неукажување помош на лице повредено во сообраќајна незгода“. Полицијата презема мерки за негово пронаоѓање, како и за пронаоѓање на неговиот татко, за кои е распишана и потерница.

Во рамки на постапката, пронајдени и одземени се двете возила – „фолксваген пасат“, со кое била предизвикана несреќата, и „мерцедес“, со кое осомничените ја напуштиле државата. За случајот е известен јавен обвинител, кој ќе постапува понатаму.