Скандал во образованието: Српска фолк-пејачка во македонски учебник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скандал во образованието: Српска фолк-пејачка во македонски учебник – деградација на идните генерации

20 септември 2025

• од Станча Јаќимовски

Граѓаните на Македонија денес се сведоци на нов срам, кој уште еднаш ја покажува катастрофалната состојба во која се наоѓа образовниот систем. Учебникот по македонски јазик за седмо одделение, одобрен во август 2025 година, содржи шокантен пример кој ги остава родителите и наставниците во неверување: ликот на српската фолк-пејачка Снежана Ѓуришиќ.

На 228. страница, во лекцијата посветена на „Штетни информации“, учениците се соочуваат со фотографии од Ѓуришиќ – со и без филтри. Авторите без трошка срам објаснуваат дека целта е да се покаже како „познатата пејачка изгледа остарено, а јавноста се манипулира заради приватниот изглед“. Дополнителен удар врз достоинството на учениците и нивните родители е фактот дека во учебникот е ставен и QR-код што ги води до сензационалистички напис на српски портал.

Родители во шок и очај

„Бев згрозен. Се прашувам какво воспитание добиваат децата кога во учебниките им сервираат вакви примери. Наместо да учат за македонската култура, за јазикот, за литературата, тие се хранат со трачеви и понижување,“ изјавува родител кој наидол на лекцијата.

Систем во распаѓање

Издавач е „Тримакс“, автор е Лилјана Јовановска, а учебникот поминал низ рацете на рецензенти, уредник и лектор – и сите тие сметале дека ваквиот материјал е соодветен за учениците. Како е можно толку многу инстанци да замижат пред очигледната деградација? Ова прашање останува без одговор, а системот уште еднаш го покажува своето лице – распаднат, незаинтересиран и целосно оддалечен од интересите на младите.

Трагичната порака

Додека другите држави создаваат модерни, воспитни и инспиративни учебници, нашите деца во Македонија учат преку понижување на јавни личности и евтини сензации од жолтиот печат. Пораката е јасна: Македонија не само што не ги чува сопствените вредности, туку активно ја разнебитува свеста на идните генерации.

Граѓаните се прашуваат – ако ова е образованието денес, што ќе остане за утре? И дали воопшто има иднина за младите кои растат со вакви „лекции“?