Скандал во Тетово? Реџепи тврди дека милиони евра исчезнале од општинскиот буџет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скандал во Тетово? Реџепи тврди дека милиони евра исчезнале од општинскиот буџет

14 октомври 2025

• од Станча Јаќимовски

Кандидатот на Алијансата за национална интеграција (АКИ) за градоначалник на Тетово, Бајрам Реџепи, обвини дека актуелниот градоначалник Биљал Касами потрошил најмалку два милиони евра од општинскиот буџет за наградување партиски милитанти преку, како што рече, фиктивни договори.

Во гостување во емисијата „Дебат на Шења“, Реџепи изјави дека според податоците со кои располага, јавните средства биле распределени на сомнителен начин и завршиле кај лица блиски до владејачката структура на општината.

„Минимално, според она што го откривме досега, се најмалку два милиони евра кои завршиле кај партиски милитанти, ангажирани преку фиктивни договори. Секако, оваа сума може да биде и многу поголема,“ рече Реџепи.

Тој најави дека доколку ја добие довербата на граѓаните на претстојните локални избори, ќе отвори детална ревизија на сите трошоци направени од актуелната локална власт.

„Во нашиот мандат, кога ние ќе управуваме со општината, сè ќе извадиме на виделина и сите тетовци ќе знаат каде завршиле нивните пари,“ истакна тој.

Иако не презентираше конкретни докази или имиња, Реџепи нагласи дека неговата кампања се темели на транспарентност, отчетност и борба против злоупотребите со јавни пари.

Тој додаде дека Тетово заслужува институции што ќе работат во интерес на граѓаните, а не во корист на партиски интереси.