Скандалот со тендерот на МВР продолжува: СДСМ со нови обвинувања за корупција, Тошковски без одговори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скандалот со тендерот на МВР продолжува: СДСМ со нови обвинувања за корупција, Тошковски без одговори

26 мај 2025

• од Гоце Кически

СДСМ денеска излезе со ново, трето по ред соопштение во врска со скандалот кој веќе неколку дена ја бранува јавноста – тендерот на Министерството за внатрешни работи вреден четири милиони евра доделен на фирма без претходно искуство.

Во најновото обраќање, СДСМ повторно го повика министерот за внатрешни работи, Панче Тошковски, да излезе со конкретни одговори во врска со случајот и го обвини дека е „фатен жив во огромна корупциска шема“. Според тврдењата на СДСМ, фирмата што го добила тендерот била основана само 20 дена пред објавувањето на јавната набавка, а сепак успеала да ги исполни сите услови и да достави мостри за квалитет.

Партијата прашува како е можно новоформирана компанија да има техничка подготвеност и капацитет за извршување на таков значаен договор, алудирајќи на можноста дека критериумите за избор биле однапред познати и прилагодени. СДСМ ја доведува под сомнеж легитимноста на процесот и инсинуира дека наместо реален квалитет, биле пресудни „квалитетни врски и провизии за Тошковски и ДПМНЕ“.

Иако Тошковски претходно изјави дека договорот бил доделен врз основа на најдобрата понуда, од СДСМ бараат појаснување како се оценувал квалитетот кај компанија без историја, искуство или претходно работење. Дополнително, партијата бара итна реакција од Јавното обвинителство, вклучително и распит на сите вклучени, проверка на потенцијални кривични дела како злоупотреба на службена положба, местење тендер и перење пари, како и поништување на целиот тендер.

Останува фактот дека ниту министерот Тошковски, ниту Министерството за внатрешни работи досега не понудија одговори на клучните прашања кои ги отвора опозицијата, иако овој случај веќе трета седмица е под лупа на медиумите и јавноста.

И додека СДСМ соочува со остри критики, ВМРО-ДПМНЕ и МВР засега остануваат тивки, што само ја продлабочува недовербата и сомнежите. Во време кога интегритетот на институциите е под сериозно испитување, јавноста очекува транспарентност и одговорност – не молк.