Слави Трифонов бесен на Мицкоски: „Ќе ја видите ЕУ низ искривени очила!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Слави Трифонов бесен на Мицкоски: „Ќе ја видите ЕУ низ искривени очила!“

12 февруари 2025

• од Вардарски

Жестока реакција од Трифонов: „Бугарија е таму каде што живее еден Бугарин!“

Лидерот на бугарската партија „Има таков народ“, Слави Трифонов, кој е познат како музичар и шоумен, упати остри критики кон македонскиот премиер Христијан Мицкоски и Македонците воопшто. Во својата објава на „Фејсбук“, Трифонов го изрази своето незадоволство од ставовите на Мицкоски во однос на внесувањето на Бугарите во македонскиот Устав.

„Претседателот на Владата на Северна Македонија Христијан Мицкоски пред парламентот рече дека не гледа причина за приклучување на Бугарите во Уставот. Тој праша зошто Албанија го нема истиот услов, имајќи предвид дека 8.000 луѓе во земјата се изјасниле за својот бугарски идентитет. Сега ќе ви кажам што мислам јас за ова прашање“, напиша Трифонов.

Во својата реакција, тој изрази фрустрација и разочараност од односот на македонскиот премиер и политиката која, според него, е базирана на омраза кон Бугарија и Бугарите. Според Трифонов, Мицкоски бил избран токму поради оваа реторика и продолжува да ја користи за да ја одржи поддршката од гласачите.

„Ме исфрустрираа овие луѓе. Не можам да кажам дали се лутам или едноставно сум разочаран. Овој Мицкоски е избран демократски. Одлично се сеќавам како за време на изборите целата негова предизборна кампања беше базирана на омраза кон нас, Бугарите. Тие затоа го избраа. И сега тој зборува така заради нив, заради тие што го избрале“, истакна Трифонов.

Тој потсети дека Бугарија прва ја признала независноста на Македонија, и покрај, како што вели, „измислиците и глупостите“ што со години се зборувале против Бугарија. Тој смета дека, и покрај сите компромиси што ги правеле бугарските влади, македонската страна не покажала никаква благодарност, почит или логика во своите постапки.

„Но, таму има луѓе што се чувствуваат Бугари. Луѓе што се Бугари! А Бугарија е насекаде, каде што живее и еден Бугарин. А таму ги има многу повеќе од еден. Многу, многу, многу повеќе. За нив треба да се грижиме, нив треба да ги мислиме и заради нив треба да ни биде грижа“, додаде Трифонов.

На крајот од објавата, тој упати остро предупредување до македонските власти, истакнувајќи дека Христијан Мицкоски и неговите поддржувачи, според него, нема да имаат лесен пат кон Европската унија.

„А тој Мицкоски, тие што го избраа и тие што се радуваат на тоа што тој зборува, колку што зависи од мене, сите тие, на чело со Мицкоски, ќе ја видат Европската унија низ искривени очила. Преку многу искривени очила!“, заклучи Трифонов.

Оваа објава предизвика голема реакција во јавноста, особено во контекст на тензиите меѓу Бугарија и Македонија околу прашањата за историското и културното наследство, како и процесот на евроинтеграција на Северна Македонија.