Слави Трифонов со остра порака до Скопје: „ЕУ ќе ја гледате низ крив макарон“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Слави Трифонов со остра порака до Скопје: „ЕУ ќе ја гледате низ крив макарон“

13 јуни 2025

• од Станча Јаќимовски

Слави Трифонов, лидерот на бугарската партија „Има такъв народ“ (ИТН), жестоко реагираше на пресудата на судот во Битола против претседателот на Културниот клуб „Иван Михајлов“, Љубчо Георгиевски, кој доби условна казна затвор од една година за, како што се наведува, „ксенофобија, расизам и ширење расна омраза преку електронски пат“.

Причината за обвинението, според Трифонов, се цитати од Иван Михајлов и претставата „Македонска крвава свадба“ од Војдан Чернодрински, која, како што вели, македонските власти ја сметаат за навредлива бидејќи била претставена како дел од бугарското културно наследство, а Чернодрински бил наречен „бугарски преродбеник“.

„Сега. Да изјаснам нешто на северномакедонците“, започнува својот статус Трифонов на Фејсбук, во кој со силен тон тврди дека:

Војдан Чернодрински е бугарски преродбеник и драматург;
Пиесата „Македонска крвава свадба“ е дел од бугарското културно наследство;
Иван Михајлов (Ванчо Михајлов) е истакнат дејател на бугарското националноослободително движење и лидер на ВМРО.

Трифонов ја нарекува одлуката на битолскиот суд „жалка пресуда“ и ја гледа како пример за „политичка антибугарска и комплексарска репресија“.

„Вие ниту сте подготвени, ниту заслужувате, ниту сте достојни да се нарекувате Европејци“, додава Трифонов, истакнувајќи дека токму ваквите случувања го потврдиле неговиот став дека владата на Кирил Петков, која тој ја собори, носела штетна политика кон Македонија.

На крајот, Трифонов го цитира Љубчо Георгиевски, велејќи дека „проблем не ви е името на здружението ‘Иван Михајлов’, туку постоењето на македонските Бугари“, додавајќи со предупредување:
„Ако продолжите така да се однесувате, Европската Унија ќе ја гледате низ ‘крив макарон’ – бугарски производ!“

Оваа изјава, во духот на длабоко вкоренетите историски спорови и чувствителноста околу националниот идентитет, повторно ја заострува реториката меѓу Софија и Скопје – во време кога европската перспектива на Македонија сè уште зависи од поддршката на соседите.