Следниот протест против Хаг ќе се одржи во Скопје, најавија ветераните на УЧК и Али Ахмети

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Следниот протест против Хаг ќе се одржи во Скопје, најавија ветераните на УЧК и Али Ахмети

20 ноември 2025

• од Станча Јаќимовски

Претседателот на Демократската унија за интеграција (ДУИ) и еден од основачите на поранешната Ослободителна национална армија (ОНА/УЧК), Али Ахмети, денес во Приштина оствари средба со претставници на Организацијата на воени ветерани на Косово – УЧК. На средбата, според информациите на албанскиот портал „Алмакос“, двете страни постигнале согласност следниот протест против, како што беше наведено, „неправдите што им се прават на поранешните припадници на УЧК“, да се одржи во Скопје во текот на декември.

Разговори за регионалните прашања и мобилизација

Порталот пренесува дека на средбата се дискутирало за актуелните политички и општествени прашања кои ги засегаат Албанците во регионот, како и за натамошните активности насочени кон, според организаторите, „спротивставување на неправдите“ во контекст на судските процеси што се водат во Хаг.

Организацијата на ветерани на УЧК повторила дека протестите ќе бидат мирни и отворени за сите заинтересирани граѓани и албански организации.

Најава од Гуцати: „Последниот протест за оваа година – во Скопје“

Уште на 30 октомври 2025 година, претседателот на косовската Организација на воени ветерани, Хисни Гуцати, објави дека планираат протест и во македонската престолнина како поддршка на четворицата поранешни команданти на УЧК од Косово, чиј судски процес се води пред Хашкиот специјализиран суд.

„Ќе одржиме мирен протест и во Македонија, бидејќи таму ги имаме нашите браќа Албанци“, изјави тогаш Гуцати, пренесе порталот „Актуале“. Тој додаде дека протестот во Скопје ќе биде последен за оваа година и нагласи дека акцијата ќе биде мирна и организирана, без ризик од инциденти.

Протести во повеќе европски градови

Организацијата на ветерани на Ослободителната војска на Косово веќе организираше протести во Приштина, Хаг, Тирана и Стразбур, сите во знак на поддршка на обвинетите поранешни лидери на УЧК.

Лидерот на ДУИ, Али Ахмети, присуствуваше на протестот што се одржа во Тирана.