Собранието едногласно „СТОП“ за пиротехника во затворен простор!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Собранието едногласно „СТОП“ за пиротехника во затворен простор!

01 април 2025

• од Вардарски

По незаборавната трагедија што ја потресе цела држава, кога животите на 59 млади луѓе згаснаа во пожарот во дискотека во Кочани, Собранието на Република Северна Македонија реагираше со јасна, решителна и едногласна одлука: забрана за употреба на пиротехнички средства во затворен простор.

Со 87 гласови „за“, без ниту еден против или воздржан, пратениците дадоа зелено светло за измените во Законот за прекршоци против јавниот ред и мир. Овој предлог, поднесен од пратениците на ВМРО-ДПМНЕ, беше усвоен по скратена постапка, како итен одговор на болната реалност што ја откри трагичниот настан од 16 март.

„Констатиравме многу пропусти кои треба да се надминат. Не смееме да дозволиме импровизации кои ќе завршат со катастрофални последици“, изјави пратеникот Тони Јаревски, повикувајќи на единство во носењето на законските измени.

Што носат измените?

Со новите законски решенија, се воведува целосна забрана за користење на експлозивни и пиротехнички средства во затворен простор. Казните за прекршителите ќе бидат двојно зголемени, а доколку прекршокот се повтори – следува и приведување.

Дополнително, полицијата ќе добие проширени овластувања во превенцијата и санкционирањето на нарушувања на јавниот ред и мир, особено во случаи кога е загрозена безбедноста на граѓаните.

Оваа измена е дел од поширока законска рамка која е во подготовка – нов Закон за експлозивни материи за цивилна употреба, кој детално ќе ги регулира сите аспекти на користење пиротехника и други опасни материјали.

Минутa молк што одекна гласно

Седницата започна со едноминутен молк, со кој пратениците им оддадоа почит на жртвите од Кочани. Тој молк беше повеќе од симболичен – тој беше потсетник дека зад секој закон стојат човечки животи и судбини.

Одбиени иницијативи на Левица

Во рамки на истата седница, Собранието ги одби двата предлога на пратениците од Левица за измени на Законот за работни односи – едниот за продолжување на породилното отсуство на 18 месеци, а другиот за задолжителна исплата на плати до 5-ти во месецот. И покрај образложената загриженост за демографската слика и социјалната правда, предлозите не добија потребна поддршка.