Собранието со нов буџет за 2026: повеќе пари за плати, вработувања и уредување на околината

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Собранието со нов буџет за 2026: повеќе пари за плати, вработувања и уредување на околината

30 август 2025

• од Тодор Вангелов

Советот за буџет на Собранието денеска го усвои нацрт-буџетот на законодавниот дом за 2026 година, во кој најголем дел од средствата повторно се насочени кон плати и надоместоци за пратениците, функционерите и администрацијата.

Според предлогот, само за плати и додатоци ќе се издвојат 677,3 милиони денари, сума што значително го оптоварува вкупниот буџет на Собранието и предизвикува сомнежи во јавноста за приоритетите на институцијата.

Најголемата ставка се однесува на 244 парламентарни функционери, 120 пратеници, 35 лица од техничка поддршка, како и службеници во кабинетите на претседателот, потпретседателите и генералниот секретар. Дополнително, во планот стои и ново вработување на 14 парламентарни службеници и еден технички асистент, како и 10 унапредувања. Ова отвора сериозни прашања за потребата од ширење на администрацијата во време кога државата се соочува со економска стагнација и намалени јавни приходи.

Нацрт-буџетот предвидува и 122,5 милиони денари за уредување на околината околу Собраниската зграда, која со закон е прогласена за безбедносна зона. Ова вложување предизвикува реакции, бидејќи додека граѓаните се борат со инфлација и ниски плати, народните избраници ќе добијат ново „средено двориште“.

Генералниот секретар на Собранието, Марина Димовска, на денешната седница изјави дека според Законот за Собрание и Стратешкиот план, потребни се вкупно 1,195 милијарди денари од основната буџетска сметка и уште 21,5 милиони денари од сметка за донации.

Иако документот сега оди на гласање пред пратениците во пленарна сала, останува впечатокот дека Собранието пред сè мисли на себе – на повисоки плати, нови вработувања и скапо уредување на објектот – наместо на потребите на граѓаните.

Сè почесто се слушаат критики дека законодавниот дом станува институција која се оддалечува од реалноста на населението, префрлајќи милиони за свои привилегии додека јавниот сектор, здравството и образованието се борат со недостиг на средства.