Софија: Подготвени сме веднаш да почнеме со тунелот, Скопје молчи и ништо не прави

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Софија: Подготвени сме веднаш да почнеме со тунелот, Скопје молчи и ништо не прави

16 април 2025

• од Вардарски

Министерството за транспорт и врски на Република Бугарија излезе со официјална позиција во врска со последните случувања поврзани со изградбата на Коридорот VIII и изостанувањето на конкретен одговор од страна на Република Северна Македонија.

Според соопштението, на 15 јануари 2025 година, Бугарија доставила нацрт на меѓудржавен договор до Северна Македонија, со кој се предлага изградба на прекуграничен железнички тунел што ќе ги поврзе железничките мрежи на двете земји. Бугарската страна потенцира дека ова е единственото отворено прашање во областа на железничкиот транспорт меѓу двете држави, но и дека тоа има пошироко значење – за безбедносната архитектура на НАТО и за поврзувањето на земјите-членки на Европската Унија.

„Република Бугарија е подготвена веднаш да го потпише договорот и да започне со реални активности за изградба на тунелот. Ако Скопје има забелешки на предложениот текст, подготвени сме да разговараме за нив, но само доколку тие ни бидат соопштени“, се наведува во ставот на бугарското министерство.

Од бугарска страна се истакнува дека и по повеќе од три месеци, од македонска страна нема официјален одговор. Се посочува дека има иницијативи за одржување состаноци, но тие се без конкретна агенда или прашања за дискусија. Ваквиот пристап, според Бугарија, го доведува во прашање навременото реализирање на делот од Коридорот VIII кој е од клучно значење за европската и евроатлантската инфраструктура.

И покрај застојот, Бугарија информира дека продолжува со реализација и модернизација на железничките делници од Коридорот VIII на своја територија, во кои досега се вложени над 4 милијарди лева (околу 2 милијарди евра).

Бугарската страна најавува дека ќе продолжи да го информира своето НАТО и ЕУ партнери за ситуацијата и ги повикува институциите во Северна Македонија на активен и конструктивен дијалог, со цел овој важен проект конечно да се придвижи напред.