Сопругата на починатиот полицаец од Пробиштип го обвини Тошковски за поткуп

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Сопругата на починатиот полицаец од Пробиштип го обвини Тошковски за поткуп

17 септември 2025

• од Станча Јаќимовски

На денешниот протест во Кочани, организиран по повод шест месеци од трагедијата во дискотеката „Пулс“ каде што загинаа 62 млади лица, а 193 беа повредени, сопругата на полицаецот од Пробиштип кој го загуби својот живот, јавно побара правда од институциите и упати сериозни обвинувања кон министерот за внатрешни работи Панче Тошковски.

Обвинувања за поткуп и манипулации

Таа изјави дека семејството на нејзиниот сопруг било поткупено од министерот за да не бара негова оставка. „Ветивте дека ќе ја спроведевте правдата за Тоше, кој зад себе остави две малолетни деца. Ми ветивте работа, а на негово место ја вработивте сестра му. Пет месеци ја чекав пензијата, никој не ме праша како сум и што поминувам,“ изјави таа.

Според неа, свекорот настраданиот полицаец отворил сметка во полицијата и собирал донации на име на децата, но парите завршувале кај него. Таа тврди дека наместо да се грижи за децата, тој делувал во сопствен интерес и прифатил поткуп од министерот. „Со поткуп од министерот Тошковски ја продаде смртта на мојот сопруг,“ рече таа, додавајќи дека таткото на нејзиниот сопруг го убедувал јавноста да не бара оставка од министерот.

Без поддршка и со блокирана помош

Сопругата истакна дека останала без поддршка од најблиските и дека целото семејство било оставено само да се бори со болката и неправдата. „Парите од донациите ништо не значат, тие нема да го вратат таткото на моите деца,“ изјави таа со емотивен тон.

Барања за одговорност

На протестот, блиските на жртвите побараа оставка не само од министерот Панче Тошковски, туку и од претседателот на ВМРО-ДПМНЕ, Христијан Мицкоски, поради, како што рекоа, „несовесното работење и прикривање на вистината“.