Сопственикот на дискотеката „Пулс“ за неполн месец излегува од притвор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Сопственикот на дискотеката „Пулс“ за неполн месец излегува од притвор

10 септември 2026

• од Темелко Тошев

Дејан Јованов – Деко, сопственикот на кочанската дискотека „Пулс“, каде во катастрофален пожар животот го загубија 63 лица, за неполн месец ќе излезе од притвор и ќе се брани од слобода. Оваа информација за телевизија Телма ја потврдиле од Основниот кривичен суд во Скопје.

Според информациите од судот, последното продолжување на мерката притвор за првообвинетиот Јованов е до 3 октомври 2026 година. Причината за неговото ослободување се законските одредби, кои предвидуваат дека притворот може да трае најмногу една година од денот на оценувањето на обвинителниот акт. Имајќи предвид дека обвинението било оценето на 3 октомври 2025 година, законскиот рок истекува на почетокот на следниот месец.

Од Кривичниот суд појаснуваат дека по истекот на овој рок, по службена должност ќе бидат одредени дополнителни мерки за претпазливост, со цел да се обезбеди непречено присуство на обвинетиот во понатамошниот тек на судската постапка.

Обемен судски процес Јованов беше приведен веднаш по трагичниот пожар што се случи на 16 март минатата година, а мерката притвор му беше официјално одредена на 23 март. Судскиот процес, во кој покрај него се обвинети уште 33 лица, започна во ноември и според предвидувањата ќе биде еден од најдолгите и најобемните процеси.

Меѓу обвинетите се наоѓа и неговиот брат, Тодор Јованов, чија мерка куќен притвор беше укината откако тој понуди гаранција во недвижен имот вредна околу 320 илјади евра. Обвинет е и синот на Дејан Јованов, но за него се изречени само мерки на претпазливост.

Во текот на изминатите неколку месеци, судот прифати гаранции и ослободи од куќен притвор уште неколкумина обвинети: Јане Јанчевски, Митко Стојанов, Мартин Ѓорѓиев, Стојанчо Димитриев и Беким Хаџиу. Од судот потенцираат дека тие имаат алтернативни мерки и редовно се јавуваат на рочиштата.

Реакции од семејствата на жртвите Дејан Јованов претходно во повеќе наврати бараше укинување на притворот поради влошена здравствена состојба, но судот ги одбиваше ваквите барања. Родителите на загинатите жртви остро реагираа на неговите обиди за излегување на слобода, истакнувајќи дека кај нив се создава чувство оти случајот се минимизира и дека човечките животи се ставаат во втор план.

Притворот првично беше одреден поради опасност од бегство, а родителите изразуваат загриженост бидејќи по неговото излегување на слобода, тој нема да има активна гаранција дека нема да избега.