Советник на Касами со остар одговор до Мицкоски: „Албанците сами ќе одлучуваат за себе“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Советник на Касами со остар одговор до Мицкоски: „Албанците сами ќе одлучуваат за себе“

27 октомври 2025

• од Станча Јаќимовски

Кампањата за градоначалничкото место во Тетово станува сè понапонета како што се приближува вториот круг од изборите. Атмосферата меѓу таборите на Билал Касами и неговиот противкандидат од АКИ, Бајрам Реџепи, секојдневно се заострува, а последните изјави на советникот на Касами, Берат Азизи, дополнително ја разгореа политичката сцена.

Во објава на социјалните мрежи, Азизи остро реагираше на ставовите на лидерот на ВМРО-ДПМНЕ, Христијан Мицкоски, и упати навреди кон Македонците, потенцирајќи дека „нема да дозволат тие да одлучуваат за Албанците“.

„Битката за Тетово се заострува и веќе влезе во последната фаза. Од едната страна стои Билал Касами со водство од близу 4 илјади гласови, а од другата Бајрам Реџепи од АКИ. Но, сега се поставува прашањето зошто ДУИ инсистира на гласовите на порадикалната Левица, која во првиот круг имаше 3 илјади гласови,“ напиша Азизи.

Тој додаде дека, според него, евентуалната коалиција со Левица би имала „катастрофален епилог“ за АКИ, а воедно го обвини опозицискиот блок дека шири дезинформации за наводна поддршка на Касами од ВМРО-ДПМНЕ.

„Последните изјави на Мицкоски, фрустриран од големата поддршка што ја имаше Касами во првиот круг, дека нема да го поддржи Касами во вториот круг, јасно докажуваат дека вториот ќе има уште повеќе албански гласови во Тетово. Граѓаните нема да дозволат ниту Апасиев ниту Мицкоски да одлучуваат за нас, туку ние самите,“ порача Азизи.

Советникот истакна дека поддршката за Касами има и локално и национално значење, бидејќи, според него, изборната победа ќе значи „зајакнување на албанската политичка позиција“ во земјата.

„Поддршката што Касами ја бара од граѓаните на Тетово се темели на два многу важни елементи. Локално – таа нема да биде условена од гласови на македонските советници, а на национално ниво – ќе даде моќ за реформи и зајакнување на албанската позиција,“ заврши Азизи.

Со ваквите изјави, тензиите во Тетово дополнително се засилуваат, а претстојниот втор круг од изборите ветува жестока политичка битка меѓу таборите на Касами и Реџепи.