Советникот Акиов: ВМРО-ДПМНЕ постојано провоцираат и омаловажуваат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Советникот Акиов: ВМРО-ДПМНЕ постојано провоцираат и омаловажуваат

20 јуни 2025

• од Станча Јаќимовски

По инцидентот кој се случи на денешната седница на Советот на Општина Кочани и стана вирален на социјалните мрежи, со јавно обраќање се огласи советникот Аки Акиов од Партијата за демократски просперитет на Ромите (ПДПР). Акиов негира дека тој е главниот виновник за нарушувањето на угледот на институцијата и ги обвини советниците од ВМРО-ДПМНЕ за континуирани провокации и навреди на лична основа.

„Правото на говор на советниците е непречено право по деловник за работа на советите во општините во Р.С. Македонија“, напиша Акиов, посочувајќи дека советничката сала се претвора во сцена за „урлање, барање паузи и лични навреди“ секогаш кога тој се обидува да ја каже вистината која, како што тврди, не им одговара на советниците од ВМРО-ДПМНЕ.

Тој остро ги осуди, како што ги нарече, „некултурните и нехумани постапки“, особено во контекст на неодамнешната трагедија со загинати деца. Според него, советниците од ВМРО избегнуваат одговорност и користат политички маневри со цел да го задржат својот рејтинг пред локалните избори.

Акиов посебно го спомена советникот Алексов, кого го обвини дека е иницијаторот на инцидентот, наведувајќи дека чашата прелила токму поради неговите постапки.

Во своето обраќање, Акиов упати и јавно извинување до правничката од Општина Кочани, на која ѝ беше нанесена повреда во текот на инцидентот.

„Јас не калкулирам со мојот авторитет и рејтинг. Јас не сум ‘гомнар’, јас сум борец за правда“, истакна Акиов, завршувајќи со уверување дека неговата борба останува насочена кон вистината и правдата.

Инцидентот предизвика бурни реакции во јавноста и повторно го актуализира прашањето за политичката култура и однесувањето на локално ниво.