Советот на Град Скопје започнува постапка за дислокација на цементарницата „Усје“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Советот на Град Скопје започнува постапка за дислокација на цементарницата „Усје“

26 декември 2025

• од Станча Јаќимовски

Советот на Град Скопје на вчерашната седница едногласно усвои заклучок за отпочнување постапка за дислокација на цементарницата „Усје“, како и на сите големи индустриски загадувачи, надвор од Скопската Котлина. Иницијативата беше поднесена од советниците на „Зелен хуман град“ (ЗХГ), а доби поддршка од сите присутни советници.

Заклучокот беше изгласан со мнозинство од 41 глас „за“, со што градоначалникот на Град Скопје се задолжува официјално да се обрати до Владата со цел разгледување на можностите и начинот за започнување на постапката за дислокација на индустриските капацитети кои придонесуваат за загадувањето на воздухот во главниот град.

Покрај ова, Советот усвои и дополнителен заклучок со кој Град Скопје ќе се обрати до Министерството за животна средина и просторно планирање (МЖСПП) со барање за детално испитување на работењето на цементарницата „Усје“ и на другите големи индустриски загадувачи. Целта е да се утврди дали тие целосно ги исполнуваат условите од важечките дозволи за работа и дали постапуваат согласно релевантната еколошка регулатива. Министерството е задолжено во најкраток рок да го информира Советот за резултатите од контролите.

Од Државниот инспекторат за животна средина, исто така, се бара да спроведе серија ненајавени инспекциски надзори, со цел утврдување на фактичката состојба, степенот на почитување на еколошките стандарди и примената на мерки за заштита на животната средина и здравјето на граѓаните.

Меѓу усвоените заклучоци е и повикот до Општина Кисела Вода, како и до останатите скопски општини и самиот Град Скопје, врз основа на наодите од МЖСПП и Државниот инспекторат, да водат особена сметка при изработката и усвојувањето на деталните урбанистички планови и истите да ги земат предвид во идните урбанистички постапки.

Седницата на Советот на Град Скопје траеше повеќе од 10 часа и се одржа во атмосфера на зголемено граѓанско незадоволство. Во исто време, пред зградата на Советот, граѓани организираа протест против работата на цементарницата „Усје“, јавно барајќи нејзина дислокација и поголема заштита на здравјето и животната средина во Скопје.