Спас Ташев: Секој со кој сме испиле по три ракии во Македонија признава дека е Бугарин

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Спас Ташев: Секој со кој сме испиле по три ракии во Македонија признава дека е Бугарин

21 јуни 2025

• од Станча Јаќимовски

Спас Ташев, експерт за статистика и демографија при Бугарската академија на науките (БАН), во интервју за бугарскиот весник „Марица“ зборуваше за своето искуство од престојот во Македонија и за своето гледиште во врска со прашањето за националниот идентитет.

„Живеев четири години во Македонија. Верувајте ми – со секој со кој сум седнал на маса и сме испиле по три ракии, на крајот призна дека е Бугарин“, изјави Ташев, кој е и основач и прв директор на Културно-информативниот центар на Бугарија во Скопје.

Тој истакнува дека во приватни разговори многу луѓе, вклучително и поранешни функционери од ВМРО-ДПМНЕ во времето на Никола Груевски, му кажувале дека се чувствуваат како Бугари, додека во јавниот дискурс заземаат различен став.

„Меѓу функционерите на ВМРО-ДПМНЕ секој во четири очи велеше дека е Бугарин. А на меѓународните средби се претставуваат како антибугари. Огромен комплекс е тоа“, вели Ташев.

Тој додава дека, според него, Бугарија дозволува Северна Македонија да се прикажува на меѓународната сцена како жртва, што според него претставува продолжение на наративот од времето на поранешна Југославија.

„Точно е, ние сме во посилна позиција, а дозволуваме како на времето Титова Југославија, а денес Северна Македонија, да му се прикажува на светот како жртва на бугарскиот национализам“, заклучува Ташев во интервјуто.

Изјавите на Ташев претставуваат негов личен став и се дел од пошироката дебата за односите меѓу Бугарија и Северна Македонија, особено во контекст на прашањата за идентитетот, историјата и меѓусебното разбирање.