Спречен шверц на облека и обувки во заедничка акција на македонската и косовската гранична полиција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Спречен шверц на облека и обувки во заедничка акција на македонската и косовската гранична полиција

10 април 2025

• од Вардарски

Во координирана акција на 9 април 2025 година, македонската и косовската гранична полиција успешно спречија обид за шверц на облека и обувки во пограничниот регион кај селото Танушевци, скопско. Акцијата била спроведена од страна на Регионалниот центар за гранични работи Север при Одделот за гранични работи и миграции во Бирото за јавна безбедност, во соработка со Граничната полиција на Косово.

При контролата на косовска територија, било запрено комбе марка „Фолксваген“ со косовски регистарски таблички, во кое биле пронајдени над 100 пакети со текстилна и друга стока. Возачот на возилото бил лишен од слобода, а предметите биле запленети.

Во рамки на истата операција, македонските полициски служби извршиле контрола на неколку напуштени објекти во близина на граничната линија. Околу 19 часот, во селото Танушевци биле откриени повеќе од 130 кутии со разновидни обувки, како и приближно пет кубни метри исечено огревно дрво.

За случајот бил информиран надлежен јавен обвинител. Запленетите кутии со обувки ќе бидат предадени на Агенцијата за управување со одземен имот, додека огревното дрво ќе биде префрлено под надлежност на Шумската полиција.

Надлежните органи продолжуваат со активности за целосно расчистување на случајот, по што ќе следи поднесување соодветна пријава против вклучените лица.