Срамна одлука: 600.000 денари буџетски пари за величење на српската историја на македонска земја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Срамна одлука: 600.000 денари буџетски пари за величење на српската историја на македонска земја

10 септември 2025

• од Станча Јаќимовски

Владата на Република Северна Македонија годинава додели 600.000 денари од државниот буџет за финансирање на програмската активност на Заедницата на Србите во Македонија – манифестацијата „Кајмакчалан 2025 – планинарски марш“.

Документот, објавен во „Службен весник“ бр. 121 од 17 јуни 2025 година, јасно покажува дека државни средства се насочени кон одбележување на настан што за македонскиот народ не претставува ништо друго освен почеток на српската окупација на Македонија по Првата светска војна.

Државни пари за туѓа историја

Оваа одлука отвора сериозни прашања: како е можно државата да финансира манифестации што ја величаат српската воена победа на македонска територија, додека македонските жртви и страдања остануваат невидливи?

Во време кога граѓаните се соочуваат со сиромаштија, иселување и политичка нестабилност, милиони денари од буџетот се распределуваат за активности што предизвикуваат поделби, наместо зајакнување на националниот идентитет и достоинството на државата.

Ново понижување на Кајмакчалан

Контроверзноста се продлабочува со неодамнешните сцени на самиот Кајмакчалан. Српската министерка за труд, вработување и социјална политика, Милица Ѓурѓевиќ, јавно пееше „Овде е Србија“ и изјави дека „секоја карпа е натопена со српска крв и обврзува да се чува српството“.

„Живела Србија и живело нам српство,“ извика министерката пред споменикот на врвот, како да се наоѓала на српска, а не на македонска земја.

Македонската држава? Повторно молчи.

Историјата како оружје

Наместо заедничко одбележување и почитување на сите жртви, на македонска територија се пишува митологија за „српско воскресение“. Жртвите на Македонците и нивната борба повторно остануваат избришани од официјалните говори и церемонии.

Српската министерка дури ја нарече Македонија „праг на српската татковина“, што претставува уште еден удар врз македонскиот идентитет.

Македонија во тишина

Најстрашното од сè е молкот. Нема официјална реакција, нема дипломатски протест, нема државна одбрана на македонското достоинство. Додека соседите пеат, слават и прекројуваат историја, нашите институции молчат.

Граѓаните повторно остануваат со горчливото чувство дека нивната држава не само што не ги брани националните интереси, туку и директно ги финансира настаните што ги бришат.