Срамна слика во Штип: Диво депонирање стакло и ѓубре зад здравствениот дом во Штип

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Срамна слика во Штип: Диво депонирање стакло и ѓубре зад здравствениот дом во Штип

14 јуни 2025

• од Станча Јаќимовски

Паркингот зад здравствениот дом во Штип, место каде секојдневно циркулираат пациенти, амбулантни возила и медицински персонал, деновиве е претворен во дива депонија. Граѓаните алармираат за опасност од сериозни повреди и здравствени ризици, бидејќи во непосредна близина на амбулантата се натрупани купишта скршено стакло, градежен шут, кабли и друг отпад.

Фотографиите доставени до нашата редакција ја откриваат алармантната слика: стаклени панели се потпрени до ‘рѓосана метална ограда, делови од стакло се скршени и расфрлани на патеката, а целата површина е преполна со кабли, дрвени штици, метални отпадоци и ѓубре. Сето тоа се наоѓа буквално на чекор од амбулантното возило и паркираните автомобили, што ја прави ситуацијата уште поопасна.

Иако е јасно дека дел од отпадот потекнува од градежни активности, останува нејасно зошто истиот не е соодветно отстранет и зошто општинските служби и раководството на здравствениот дом не презеле мерки.

Оваа ситуација не само што претставува ризик за телесни повреди, туку е и срам за институцијата која треба да биде симбол на грижа за здравјето и безбедноста на граѓаните.

Ги повикуваме надлежните од ЈП „Исар“, Општина Штип и раководството на Здравствениот дом – итно да го исчистат просторот и да постават заштита околу објектот. Без одложување.

Здравствените установи не смеат да бидат опкружени со отпад – особено не со стакло, метал и шут. Граѓаните заслужуваат хигиенска и безбедна околина при секоја посета на лекар.