Срамно мал интерес за пожарникари – кој ќе не спаси кога ќе гори?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Срамно мал интерес за пожарникари – кој ќе не спаси кога ќе гори?

25 јули 2025

• од Станча Јаќимовски

Само 22 апликации за пожарникари во Битола – државата гори, а никој не сака да гаси

И покрај алармантната состојба со шумските пожари и јавниот повик од Владата за вработување времена противпожарна сила, до Центарот за вработување во Битола пристигнале само 22 апликации. На државно ниво, бројката е едвај 497. Повикот беше отворен за сите невработени граѓани под 55 години, со минимални здравствени услови, а понудата: петмесечно вработување, плата од 24.000 денари и осигурување.

Но интересот – речиси никаков.

Иако државата вложува преку 1,4 милијарди денари во оперативни мерки за вработување, младите и останатите невработени граѓани не гледаат иднина во најризичната и најодговорна јавна професија – пожарникарството.

Во Битола, која покрива и делови од Могила и Новаци, потребни се најмалку 80 професионални пожарникари, според законските пресметки. Реалноста? Седиштето на територијалната противпожарна единица брои само 33 вработени на полно време и 4 договорни лица.

Иако платите на пожарникарите се за околу 20% повисоки од останатите јавни службеници – од 42.000 до 47.000 денари – изгледа ни тоа, ни бенефицираниот стаж (каде една година важи како 15 месеци) не мотивираат никого.

Зошто?

Дали ризикот е преголем?
Дали платата е премала за да се ризикува сопствениот живот?
Или едноставно – државата не успева да ја врати довербата во системот?

Оваа бројка е загрижувачка ако се земе предвид дека во Битола има 3.733 евидентирани невработени лица, а на ниво на држава – речиси 100.000 луѓе бараат работа.

Во ситуација кога секојдневно се зголемува бројот на пожари, недостигот на пожарникари не е само административен проблем – тоа е директна опасност по животите на граѓаните и имотот.

Пожарите не чекаат – дали и институциите конечно ќе го сфатат тоа?