Србија постави спомен-плоча на четник во Македонија – понижување за државата и за народот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Србија постави спомен-плоча на четник во Македонија – понижување за државата и за народот

08 септември 2025

• од Станча Јаќимовски

Во срцето на Македонија, во селото Груниште, општина Новаци, се случи нешто што за многумина граѓани претставува тежок удар и национално понижување. Српска државна делегација свечено постави спомен-плоча на потполковникот на српската војска и четнички војвода Војин Поповиќ – познат како Војвода Вук, човек кој во 1916 година учествувал во окупацијата на македонска територија.

Церемонијата беше организирана со државен протокол, во присуство на српски министри, војска, свештенство и здруженија, со интонирање на химната на Србија и положување венци. Со ова, Република Србија не само што го одбележа неговото загинување, туку и јасно испрати порака дека Македонија е место каде тие можат да поставуваат свои споменици, без оглед на историјата и чувствата на локалното население.

Македонците сведоци на ново потценување

За македонските граѓани, овој чин значи уште една болна потврда дека државата е немоќна да ја заштити сопствената историја и достоинство. Додека српските претставници зборуваа за „јунаштво, слобода и национално единство“, за Македонија овој споменик е симбол на окупација, страдање и бришење на вистината.

Симбол на безизлез

Оваа плоча не е само обичен камен со име. Таа е болен потсетник на македонската беспомошност и немоќта на институциите. Наместо да се негуваат сопствените херои, сопствената историја и национална гордост, на македонска почва се слават луѓе кои ја газеле.

Граѓаните се прашуваат – до кога ќе бидеме сведоци на вакви понижувања? До кога ќе дозволуваме други да ни ја пишуваат историјата, а ние да молчиме?

Она што се случи во Груниште е повеќе од церемонија. Тоа е порака дека Македонија е терен на кој секој може да си поставува свои „вистини“, додека македонскиот народ е оставен во темнина, без заштита, без глас и без надеж.