Српска министерка со презиме на СКИ го негира македонскиот идентитет: Србите и Македонците од ист корен?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Српска министерка со презиме на СКИ го негира македонскиот идентитет: Србите и Македонците од ист корен?

09 септември 2025

• од Станча Јаќимовски

Српска министерка во Битола со опасни пораки: „Србите и Македонците се од исто стебло“

Македонија повторно молчи. Додека соседите јавно го релативизираат македонското постоење, институциите на државата – нема ги никаде.

Викендов во Битола и на Кајмакчалан, каде што паднаа илјадници животи во Првата светска војна, српската министерка за вработување и социјални прашања, Милица Ѓурѓевиќ Стаменковски, дојде со државна делегација. Но, наместо искрено почитување на историјата, таа ја искористи посетата за порака која ја потресе јавноста:

„Србите и Македонците се дел од ист корен, од исто стебло, ние сме братски народ“.

Пријателство или негирање?

На прв поглед, изјавата изгледа како комплимент. Но суштината е далеку пострашна – тоа е суптилно негирање на македонската посебност. Дали се работи за дипломатско ласкање или за стратегија за постепено претставување на Македонците како дел од „српскиот свет“?

Српските политичари одамна знаат дека ваквите пораки наидуваат на молк во Скопје. Ваквиот молк сега повторно ја става во прашање способноста на македонските институции да го заштитат сопствениот народ и идентитет.

Македонската тишина – најголемиот пораз

И додека Србија гради наративи за „заедничко стебло“, македонските власти се однесуваат како да не слушнале ништо. Министерството за надворешни работи до денес нема излезено со никаква реакција. Прашањето е едноставно: дали нашата дипломатија ќе се осмели да реагира или повторно ќе се задоволи со тишина?

Оваа тишина е пораз. Таа покажува дека Македонија нема механизми, ниту волја да се одбрани. Истата таа тишина што ја видовме и од Бугарија, и од Грција, и од секоја нова провокација.

Каде оди Македонија?

Сценариото станува јасно: со секоја ваква изјава, со секое дипломатско „додворување“, Македонија се претвора во нем набљудувач на сопственото бришење. Народот е оставен сам, без јасен глас од оние кои се платени да го штитат.

Додека соседите цртаат карти на „братство“, македонската држава се топи во молк. И така, чекор по чекор, се губи највредното – идентитетот.