Српската министерка ја нарече Македонија „праг на српската татковина“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Српската министерка ја нарече Македонија „праг на српската татковина“ – молк од властите

08 септември 2025

• од Станча Јаќимовски

На церемонијата на Кајмакчалан, српската министерка за труд, вработување, боречка и социјална политика, Милица Ѓурѓевиќ Стаменковски, со зборови полни патетика и гордост ја оправда српската окупација на Македонија.

„Српските војници на Кајмакчалан го примиле ударот и со своите гради ја заштитиле својата татковина,“ изјави таа, пред спомен-костурницата на српските војници, додека околу неа се вееше српското и грчкото знаме.

Македонската тишина – нивна гордост

Со оваа изјава, македонската историја уште еднаш беше избришана, заменета со српска митологија и приказна за „херојство“. Наместо признавање на страдањето на македонскиот народ, министерката се заблагодари на „собраните на прагот на татковината“, како да се наоѓала на српска земја, а не на македонски врв.

Додека таа зборуваше за „жртви“ што донеле „слобода“ на Србија, за Македонија тоа значеше ново ропство, поделби и тишина. Никој од македонските претставници не беше таму да ја оспори нејзината приказна, никој не се осмели да ја потсети дека македонскиот народ бил избришан од таа историја.

Понижувањето продолжува

Изјавата на српската министерка е уште една понижувачка порака за граѓаните на Северна Македонија: дека нашата земја и понатаму останува сцена на туѓи славја, туѓи венци и туѓи говори.

А Македонија? Таа повторно молчи. Нашиот народ повторно е сведок како на сопствената земја се величи туѓа „слава“, додека нашето страдање останува скриено во сенка.